„არ მესმის უკრაინის ელჩის დაბარებით რატომ დაიწყეს, უკრაინა დაბალი ღობეა თუ როგორ არის?!“,-ასე გამოეხმაურა საქართველოს ყოფილი პრეზიდენტი მიხეილ სააკაშვილი მის  უკრაინის პრეზიდენტის მრჩეველთა საბჭოს ხელმძღვანელად დანიშვნასთან დაკავშირებით უკრაინის ელჩის საქართველოში  ვასილ ციბენკოს  საგარეო უწყებაში მიწვევას.
ამასთან, სააკაშვილმა ევროკავშირთან ასოცირების ხელშეკრულების რატიფიკაციის დღე და ქართულ დელეგაციასთან შეხვედრა გაიხსნა. ყოფილი პრეზიდენტის თქმით, ქართული დელეგაცია არ მიესალმა და შეშინებულებს ეჭირათ თავი. 

„რაც შეეხება უკრაინის ელჩის დაბარებას, ერთი რამ არ მესმის უკრაინის ელჩით რატომ დაიწყეს. ამასწინათ ევროპარლამენტმა საპატიო სტუმრის სტატუსით მიმიწვია სტრასბურგში საქართველოს ასოიცირების ხელშეკრულების რატიფიკაციაზე.  თავიდან მარტო მე მიმიწვიეს. საქართველოდან არავინ მიდიოდა, ატყდა ჩოჩქოლი და გამოაგზავნეს დელეგაცია,რომლებმაც ჩათვალეს საჭიროდ, რომ არც მომსალმებოდნენ და შეშინებულებს დაეჭირათ თავი. ასე არ იქცევიან 21-ე საუკუნეში, რაც არ უნდა პოლიტიკური ოპონენტები იყვნენ. მაგრამ ერთია მათი, მეორე ხალხის რეაქცია.
ევროპარლამენტმა რომ დამპატიჟა და ევროპის სახალხო პარტიის სამიტზე რომ გავფრინდი, სადაც მრგვალ მაგიდასთან იჯდა მერკელი, უამრავი პრემიერ-მინისტრი, რამდენიმე პრეზიდენტი და ა.შ.  ევროპის კავშირის ელჩს რატომ არ მოუწყვეს დემარში? ეს ხომ ევროპის კავშირის ქმედებებია, მაშინ როცა გააუქმეს ჩემი დიპლომატიური პასპორტები, ამ გაუქმებულ დიპლომატიურ პასპორტებში ამერიკის მთავრობამ რამდენიმეწლიანი სამუშაო ვიზა ჩამირტყა, რომელიც  საშუალებას მაძლევს ვიმუშაო, შემოსავალი მივიღო, ვიყო დაუბრკოლებლად და ა. შ. ამერიკის ელჩს რატომ არ იბარებენ.ნატო-ს საპარლამენტო ასამბლეის პრეზიდენტმა მიწერა წერილი ინტერპოლს, სადაც გამოხატავს ჩემს მიმართ სრულ მხარდაჭერას. ნატოს ელჩს რატომ არ იბარებენ?უკრაინა დაბალი ღობეა თუ როიგორ არის“,-განაცხადა მიხეილ სააკაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ბოჭორიშვილი უარყოფს, რომ მიღებული კანონების გამო პროექტები გაუქმდა ან შეჩერდა

სანქცირებული, პროსახელისუფლებო „იმედის“ იურიდიული სამსახურის უფროსი, კომუნიკაციების კომისიის წევრი გახდა

ივანიშვილის პარლამენტმა ე.წ გრანტების შესახებ კანონში ცვლილებას მხარი დაუჭირა

საქართველოს ბანკის მხარდაჭერით, “ბაზარი ორბელიანზე” მეწარმე ქალების პროდუქციის გამოფენა-გაყიდვა გაიმართება