კულტურის მინისტრის მიხეილ გიორგაძის განცხადებით, გელათის მონასტერში ჩასულ წვიმას ფრესკებისთვის დიდი ზიანი არ მიუყენებია.

როგორც გიორგაძემ აღნიშნა, ამ ეტაპზე გელათზე დროებითი გადახურვაა გაკეთებული და ამ წუთებშიც იქ სამუშაოები მიმდინარეობს.

„როგორც იცით გელათში ძალიან დიდი სარესტავრაციო სამუშაოები მიმდინარეობს, სრულიად ახალი ტიპის გადახურვა კეთდება, მოჭიქული კრამიტით. წყალმა გაჟონა იმ ნაწილში, სადაც ძველი სახურავი არის დარჩენილი, თუმცა ძალიან ოპერატიული რეაგირება იყო. შეჩერებულია წყალი, გაკეთებულია დროებითი გადახურვა. ახლაც, ამ წუთებშიც მიმდინარეობს სამუშაოები, რომ ასეთი რამ არ განმეორდეს. თუმცა ძალიან რთული პირობებია, ძლიერი თოვაა და სწორედ ამის გამო რთულდება ამ სამუშაოების ჩატარება. კიდევ ერთხელ ვამბობ, ფრესკებს არ ემუქრება განადგურება. მე პირადად ვესაუბრე იქ მომუშავე ადამიანებს. დიდი ზიანი არ გამოუწვევია იქ ჩასულ წყალს, ასე რომ ნამდვილად არ არის ისეთი საგანგაშო მდგომარეობა, როგორიც დღის განმავლობაში ვრცელდება”,- განაცხადა ჟურნალისტებთან საუბრისას მინისტრმა.

შეგახსენებთ, რომ რამდენიმე დღიანი ძლიერი წვიმის შედეგად, გელათის სამონასტრო კომპლექსში წყალი ჩავიდა, რამაც ფრესკები დააზიანა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი