2015-03-19 21:30:07, 609 ნახვა
პოლიტიკა
შსს "ნაციონალური მოძრაობის" აქციასთან დაკავშირებით განცხადებას ავრცელებს
21 მარტს დაგეგმილ აქციასთან დაკავშირებით, შსს-ს საპატრულო პოლიციის დეპარტამენტში სამუშაო თათბირი გაიმართა. როგორც "ექსპრესნიუსს" შსს-დან აცნობეს, თათბირს ესწრებოდნენ პარტია „ერთიანი ნაციონალური მოძრაობის“ წევრები და საქართველოში ამერიკის შეერთებული შტატების საელჩოს წარმომადგენლები.
საპატრულო პოლიციის თბილისის მთავარი სამმართველოს უფროსს შალვა ბარელაძეს და თბილისის მთავარი სამმართველოს უფროსს შალვა ბედოიძეს „ერთიანი ნაციონალური მოძრაობის“ წარმომადგენლებმა აქციის ჩატარების გეგმა გააცნეს. შეხვედრაზე განიხილეს აქციის უსაფრთხოდ ჩატარების უზრუნველყოფის საკითხები, ასევე აქციის ჩატარების ადგილსა და მის მიმდებარე ქუჩებზე ავტოსატრანსპორტო მოძრაობის მარშრუტები.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
