ეროვნული უშიშროების საბჭოს მდივნის ირინა იმერლიშვილის ინფორმაციით, პარლამენტში პრეზიდენტის ყოველწლიური მოხსენებით გამოსვლა სერიოზულადაა მომზადებული.

მისივე თქმით, პრეზიდენტი მზადაა, დებატებშიც მიიღოს მონაწილეობა.

იმერლიშვილი იმედოვნებს, რომ პარლამენტის ბიურო დებატების ფორმატის გადაწყვეტილებას მიიღებს.

„პრეზიდენტის გამოსვლა არის ძალიან სერიოზულად მომზადებული და ჩვენ გვინდა მოვისმინოთ კომენტარები საექსპერტო წრეებიდან.   პრეზიდენტი მზად არის აღნიშნული გამოსვლა იყოს დებატების ფორმატში, თუმცა ეს პარალამენტის ბიუროს გადასაწყვეტია და იმედი მაქვს რომ ის ამ გადაწყვეტილებას მიიღებს“,-აღნიშნა იმერლიშვილმა.
 რაც შეეხება სტუმრებს, იმერლიშვილის განცხადებით,  მოხსენებაზე დასაწრებად მიწვეულები არიან დიპლომატიური კორპუსის წარმომადგენლები.

იმერლიშვილი იმედოვნებს, რომ საელჩოები შარშანდელივით ინტერესს გამოიჩენენ და მოხსენებას დაესწრებიან.

ხოლო რაც შეეხება, პრეზიდენტის ყოველწლიურ მოხსენებაზე მთავრობის დასწრებას, იმერლიშვილის თქმით, როცა პრეზიდენტი წელიწადში ერთხელ მიმართავს მოსახლეობას  ქვეყნისთვის უმნიშვნელოვანეს საკითხებზე,  მთავრობისთვის ეს საინტერესო უნდა იყოს.

„როგორც წესი ყველა სტუმარი, როგორც მინისტრები, ისე დიპლომატიური კორპუსი, უნდა მიიწვიოს საქართველოს პარლამენტმა, თუმცა ვფიქრობ რომ ძალიან საინტერესო გამოსვლა იქნება და როდესაც პრეზიდენტი ქვეყნისთვის უმნიშვნელოვანეს საკითხებზე მოსახლეობას წელიწადში ერთხელ მიმართავს, ვფიქრობ ეს მათთვის  საინტერესო უნდა იყოს“,-განახადა იმერლიშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი