დღეს, 22 თებერვალს, ილიას სახელმწიფო უნივერსიტეტიდან მარში დაანონსდა - უნივერსიტეტის  A კორპუსთან სტუდენტები 19:00 საათზე შეიკრიბებიან. 

ილი უნის სტუდენტები ამბობე, რომ ახლა არა მხოლოდ ჩვენი უნივერსიტეტის, არამედ განათლების სისტემის მომავალს ემუქრება საფრთხე, ამიტომაც საჭიროა სტუდენტების მკაფიო პოზიცია ხმამაღლა ისმოდეს. 

კვირას, 22 თებერვალს, 19:00 საათზე, ვიკრიბებით ილიაუნის A კორპუსთან, საიდანაც მარშით გადავინაცვლებთ ილიაუნის E კორპუსის ეზოში და წავიკითხავთ სტუდენტურ მანიფესტს. მოვითხოვთ რეფორმის გაწვევას, რადგან დავიცვათ ილიაუნის ავტონომია, დამოუკიდებლობა და თავისუფალი აკადემიური სივრცე.
 
სტუდენტები და ახალგაზრდები ყოველთვის იყვნენ ქვეყნის მომავლის, პროგრესის, ცვლილებებისა და განვითარების სულისჩამდგმელი ძალა.  სტუდენტების შეთანხმებული ერთობით განსაზღვრული წინააღმდეგობა კი იმაზე დიდი ძალაა, ვიდრე თითოეულ ჩვენგანს შეიძლება წარმოედგინოს. 
 
დღეს, როდესაც არა მხოლოდ ჩვენი უნივერსიტეტის, არამედ განათლების სისტემის მომავალს ემუქრება საფრთხე, როდესაც ცდილობენ კრიტიკული და თავისუფალი აზრის, ავტონომიური და დამოუკიდებელი უნივერსიტეტის განადგურებას, სტუდენტების მკაფიო პოზიცია და ამაღლებული ხმა სასიცოცხლოდ მნიშვნელოვანია. 
 
სწორედ ამიტომ, 22 თებერვალს, 19:00 საათზე,  ვიკრიბებით ილიაუნის A კორპუსთან, რათა მოვითხოვოთ დეფორმის გაწვევა, დავიცვათ ილიაუნი და ვაჩვენოთ ყველას, რომ უნივერსიტეტის კეთილდღეობისთვის ბოლომდე ვიბრძოლებთ!

ავტორი: ექსპრესნიუსი,

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი