უკრაინამ თავისი ოკუპირებული ტერიტორიებიდან, ასევე რუსეთიდან და ბელარუსიდან 45 მოქალაქე დაიბრუნა.

ამის შესახებ უკრაინის ომბუდსმენი, დმიტრი ლუბინეცი Telegram-ზე წერს. 

ლუბინეცის თქმით, უკრაინის დაბრუნებულ მოქალაქეებს შორის არიან სპეციალური საჭიროებების მქონე პირები, რომლებსაც ოკუპირებული ტერიტორიების დამოუკიდებლად დატოვების საშუალება არ ჰქონდათ. მათ შორის 10 ადამიანს ქრონიკული დაავადებები აქვს და გადაუდებელი სამედიცინო დახმარება ესაჭიროებოდა, ხოლო 23 ადამიანის ევაკუაცია სპეციალური ტრანსპორტისა და სამედიცინო გუნდის თანხლებით მოხდა. 

ომბუდსმენის ცნობით, დაბრუნებული მოქალაქეების უმეტესობა ხანშიშესულია, მათ შორის ყველაზე ასაკოვანი 93 წლისაა. 

"უკრაინის ომბუდსმენის ოფისის, ჰუმანიტარული ორგანიზაციებისა და საერთაშორისო პარტნიორების ერთობლივი მუშაობის წყალობით მოხერხდა დროებით ოკუპირებული ტერიტორიებიდან, ასევე რუსეთის ფედერაციისა და ბელარუსის რესპუბლიკის ტერიტორიებიდან უკრაინის 45 მოქალაქის უსაფრთხოდ დაბრუნება". - წერია ომბუდსმენის განცხადებაში. 

განცხადებაში ასევე აღნიშნულია, რომ დაბრუნებული მოქალაქეების ნაწილი ოკუპირებული ტერიტორიების მარიონეტული რეჟიმების მხრიდან დევნის მსხვერპლი იყო. ლუბინეცი განმარტავს, რომ, კერძოდ, ერთ-ერთი ოჯახის წევრი ოკუპანტებმა გაიტაცეს და წამებით მოკლეს.

ავტორი: ექსპრესნიუსი,

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი