2025-04-01 13:50:23, 1366 ნახვა
ომი უკრაინაში
წლის დასაწყისიდან პირველად, უკრაინაში ღამემ დრონებით შეტევის გარეშე ჩაიარა
1-ელი აპრილის ღამე გახდა პირველი 2025 წლის დაწყებიდან, როდესაც რუსეთის ჯარს უკრაინაზე კამიკაძე უპილოტო საფრენი აპარატებით იერიში არ მიუტანია.
ამასთან დაკავშირებით ინფორმაციას უკრაინული გამოცემა Українська правда ავრცელებს.
უკრაინის საჰაერო შეიარაღებული ძალების სტატისტიკის მიხედვით, რუსეთის ჯარმა 2025 წლის დაწყებიდან პირველად შეიკავა თავი დრონებით მასშტაბური შეტევისგან.
თუმცა, ამის მიუხედავად, ღამეს უკრაინისთვის რუსეთის თავდასხმების გარეშე არ ჩაუვლია. დნიპროპეტროვსკის ოლქის საბჭოს თავმჯდომარის, მიხაილო ლუკაშუკის თქმით, საღამოდან დილამდე რუსეთის ჯარი განაგრძობდა ნიკოპოლის დაბომბვას. თავდასხმის შედეგად დაზიანებულია სამი კერძო სახლი, სხვადასხვა სახის ინფრასტრუქტურა და ერთი ადმინისტრაციული შენობა.
ავტორი: ექსპრესნიუსი,
epn.ge (@expressnews.ge)
