საქართველოს თავდაცვის სამინისტროში გენდერული თანასწორობის 2016 წლის სამოქმედო გეგმის განხილვა გაიმართა. შეხვედრა საქართველოს თავდაცვის მინისტრის მოადგილემ, ანა დოლიძემ გახსნა. შეხვედრას სამოქალაქო ოფისისა და გენერალური შტაბის სხვადასხვა სტრუქტურული ერთეულების წარმომადგენლები დაესწრნენ.

თავდაცვის სამინისტროს ინფორმაციით, ანა დოლიძემ სამინისტროსა და შეიარაღებულ ძალებში გენდერული თანასწორობის მნიშვნელობასა და 2016 წლის გეგმის განხორციელებაზე გაამახვილა ყურადღება.

უწყების ცნობით, თავდაცვის სამინისტროში გენდერულ საკითხებზე პერმანენტული ხასიათის შეხვედრების მოწყობა, საინფორმაციო კამპანიების დაგეგმვა, გენდერული მრჩევლის ინსტიტუტის გაძლიერება, გენდერის კუთხით არსებული მდგომარეობის რეგულარული ანალიზი, შეფასება, კვლევების, გამოკითხვების წარმოება, რეკომენდაციების შემუშავება, საგანმანათლებლო მოდულების შექმნა და განვითარება 2016 წლის გენდერული გეგმის მნიშვნელოვან საკითხებს წარმოადგენს. სამშვიდობო მისიებისთვის გადასროლისწინა პერიოდში სამხედრო მოსამსახურეებისთვის გენდერული მოდულის სწავლება, კანონმდებლობის გენდერული ანალიზი და გენდერული თანასწორობის საკითხებთან დაკავშირებული სამინისტროს კანონმდებლობის ცვლილებების ორგანიზება კი 2016 წლის მნიშვნელოვან პრიორიტეტებს წარმოადგენს.

სამინისტროს სტრუქტურული ერთეულების წარმომადგენლებმა ისაუბრეს არსებულ გამოწვევებზე და მათი აღმოფხვრის გზებზე. შეხვედრის მონაწილეებმა გეგმით გათვალისწინებული პუნქტები განიხილეს და ერთმანეთს შეხედულებები გაუზიარეს.

2016 წლის სამოქმედო გეგმის მიზანია საქართველოს თავდაცვის სისტემაში გენდერული თანასწორობის საკითხებზე ცნობიერების ამაღლება. გეგმაზე მუშაობას თავდაცვის სამინისტროს ადამიანური რესრურსების მართვისა და პროფესიული განვითარების დეპარტამენტი ხელმძღვანელობს. 2016 წლის გეგმა უახლოეს მომავალში დამტკიცდება, რომლის მიხედვითაც თავდაცვის სამინიტროში გენდერის კუთხით სხვადასხვა ღონისძიებები განხორციელდება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აშშ-მ ამერიკული ხელოვნური ინტელექტის კოპირებისთვის ჩინეთისა და რუსეთის წინააღმდეგ სანქციების დაწესების განხილვა დაიწყო

აშშ-მ ირანისა და ირანის მხარდამჭერი გემების დევნა დაიწყო

ოცნება მცირე მეღვინეობებისთვის წესებს შეცვლის და ხარისხის კონტროლს გაამკაცრებს

პაპუაშვილი აბასთუმნის ცის დაკეტვაზე - რადიკალური ოპოზიცია ცდილობს, არ დაუშვან სამეცნიერო პოტენციალის ათვისება