ნატო-სთვის ძალიან მნიშვნელოვანია, რომ საქართველოში პოლიტიკური პოლარიზაცია შემცირდეს და პარლამენტმა იფუნქციონიროს, - ამის შესახებ ნატო-ს გენერალური მდივნის სპეციალურმა წარმომადგენელმა, ჯეიმს აპატურაიმ განაცხადა.

მისი თქმით, საქართველომ და ნატო-მ უნდა ითანამშრომლონ, რათა წინ იმოძრაონ.

„ნატო-სთვის ძალიან მნიშვნელოვანია, რომ საქართველოში პოლიტიკურმა პროცესმა იმუშაოს, რომ პოლიტიკური პოლარიზაცია შემცირდეს და პარლამენტმა და მთავრობამ იფუნქციონირონ. საქართველოში ბოლო დროს ჩვენ ვნახეთ პოლარიზაცია, თუმცა სასიამოვნოა, რომ პარლამენტმა დაიწყო ფუნქციონირება და გაატარა მნიშნელოვანი რეფორმები. ვიცი, რომ ზოგიერთი რეფორმა, მათ შორის მართლმსაჯულების მიმართულებით, კვლავ მიმდინარეობს. ასე რომ, პროგრესი არის და მთავარია, რომ ქართველ ხალხს სურს ამ რეფორმების გატარება. ჩვენ განვიხილეთ საგარეო საკითხების მთელი რიგი, თუ როგორ უნდა იმოძრავოს საქართველომ ნატო-ს წევრობისკენ და შევთანხმდით, რომ ბოლო 10 წლის განმავლობაში დიდი პროგრესი იქნა მიღწეული. ჩვენ ასევე განვიხილეთ რეგიონული უსაფრთხოება და ნატო-ში აღფრთოვანებულბი არიან იმით, თუ როგორ დადები როლს ასრულებს საქართველო ამ მიმართულებით, კერძოდ, აზერბაიჯანსა და სომხეთს შორის ურთიეთობების დალაგებაში. ჩვენ ასევე განვიხილეთ უსაფრთხოება შავი ზღვის რეგიონში, რომელიც უარესდება, ვიცით, მაგრამ უნდა ვითანამშრომლოთ, რომ ერთად ვიმოძრაოთ წინ“, - განაცხადა ჯეიმს აპატურაიმ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი

თბილისში Trump Tower აშენდება - Wall Street Journal