კანადის გეოგრაფიულმა საზოგადოებამ 170 წლის წინ გაუჩინარებული გემი Terror-ი აღმოაჩინა, - ამის შესახებ ინფორმაციას The Guardian-ი ავრცელებს.

მედია საშუალების ინფორმაციით, ხომალდი არქტიკულ ექსპედიციას ეკუთვნოდა, რომელსაც ინგლისელი სერ ჯონ ფრანკლინი ხელმძღვანელობდა. გემი ექსპედიციის დროს ჩრდილოეთის ყინულოვან ოკეანეში დაიკარგა.

როგორც The Guardian-ი წერს, ხომალდი კანადის ჩრდილოეთ სანაპიროსთან, მეფე უილიამის კუნძულის მახლობლად აღმოაჩინეს.

ცნობისთვის, 1845 წელს ატლანტიკისა და წყნარ ოკეანეებს შორის საზღვაო გზის საძებნელად 128-კაციანი ექსპედიცია გაემგზავრა. ექსპედიციის წევრების გაუჩინარება არქტიკის კვლევის ისტორიაში ყველაზე დიდ ტრაგედიად ითვლება.

გამოცემის ინფორმაციით, Terror-ი კარგად არის შენახული. სამძებრო ჯგუფმა ხომალდზე ვიდეო კადრები გადაიღო. ჩანაწერში საწერი მაგიდა ღია უჯრებით, სასადილო ოთახი, კონსერვის ქილა და რამდენიმე კაიუტა ჩანს.

სეგახსენებთ, რომ ორი წლის წინ მკვლევარებმა კანადის სანაპიროსთან 11 მეტრის სიღრმეზე სერ ჯონ ფრანკლინის ექსპედიციის მეორე გემი “ერებუსი” აღმოაჩინეს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ქართველი სამხედრო გიორგი კუპარაშვილი, უკრაინის შეიარაღებული ძალების მესამე არმიის კორპუსის პოლკის მეთაურად დაინიშნა

ფიკომ უკმაყოფილება გამოთქვა, რომ ლიეტუვა და ლატვია მის თვითმფრინავს 9 მაისს მოსკოვში არ გაუშვებენ

ზელენსკი: რუსეთის წინააღმდეგ სანქციების შერბილების გაგრძელება აძლიერებს რუსეთის ლიდერების ილუზიას, რომ შეუძლიათ ომის გაგრძელება

მილანში ულტრამემარჯვენეების წინააღმდეგ გამართული საპროტესტო აქციის დროს არეულობა დაიწყო - ვიდეო