გიგი უგულავას ნაჩუქარი საათით მივედი და ბატონ ბიძინას ჩემი ნაჩუქარი საათი ეკეთა ხელზე, - ასე უპასუხა „სახელმწიფო ხალხისთვის“ ლიდერმა პაატა ბურჭულაძემ ყოფილი პრემიერის ბიძინა ივანიშვილის მიერ მისი მისამართით გაკეთებულ განცხადებას.

საკმაოდ საინტერესო აზრია, რომ მე თურმე ვყოფილვარ „ნაციონალური მოძრაობის“, თუ არ ვიტყვით იმას, რომ მე ვიყავი ერთ-ერთი დაზარალებული „ნაციონალური მოძრაობისა“ თავის დროზე. საერთოდ ალბათ ეჭვი შეეპარათ იმიტომ, რომ ჩვენთან შემოდის როგორც „ნაციონალური მოძრაობის“ ასევე „ქართული ოცნების“ ძალიან წარმატებული ადამიანები. ესენი არიან: იუსტიციის მინისტრის ყოფილი პირველი მოადგილე გიორგი ვაშაძე, რომელიც ერთ-ერთი ყველაზე კარგი სპეციალისტი იყო „ნაციონალურ მოძრაობაში“ და იგივე არის დავით ჯანდიერი, რომელიც იუსტიციის მინისტრის პირველი მოადგილე იყო „ოცნებაში“ და ისიც შემოვიდა ჩვენთან“, - განაცხადა ბურჭულაძემ „მაესტროს“ ეთერში.

ცნობისთვის, ყოფილმა პრემიერ-მინისტრმა ბიძინა ივანიშვილმა გუშინ განაცხადა, რომ მას ჰქონდა მცდელობა, პაატა ბურჭულაძეს დაახლოებოდა, თუმცა ბურჭულაძე მასთან შესახვედრად უგულავას მიერ დაჯილდოებული საათით მივიდა. „მანჩვენთან თანამშრომლობა არ ისურვა”, - განაცხადა ბიძინა ივანიშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი