ბრაზილიელი ჟიზელ ბუნდხენი მსოფლიოში ყველაზე მაღალანაზღაურებად მოდელად დაასახელეს, - ამის შესახებ უცხოური მედია იუწყება. აღსანიშნავია, რომ ბრაზილიელმა ეს ტიტული მეთოთხმეტედ მოიპოვა.

ჟურნალ Forbes-ის მონაცმებით, ჟიზელ ბუნდხენის შემოსავალი წელიწადში 30 მილიონ დოლარს აჭარბებს, რაც მეორე ადგილზე მყოფი ბრაზილიელი მოდელის ადრიანა ლიმას ანაზღაურებას სამჯერ აღემატება. 

ამჟამად ჟიზელს, რომელმაც სამოდელო კარიერა გასულ წელს დაასრულა, კონტრაქტი აქვს გაფორმებული Chanel-თან, Carolina Herrera-თან და Panten-თან.

Forbes-ის სიაში მესამე ადგილზე ცნობილი რეალითი-შოუს ვარსკვალის კიმ კარდაშიანის ნახევარ-და კენდალ ჯენერია. ჯენერი გასულ წელთან შედარებით 13 პოზიციით დაწინაურდა. ის წლის ყველაზე წარმატებული მოდელი გახდა, რომელმაც მხოლოდ შარშან Instagram-ის გვერდზე 60 მილიონი თაყვანისმცემელი შეიძინა.

ყველაზე მდიდარი მოდელების სიაში მოხვდა ასევე კარა დელევინი და მოდელი ჯიჯი ჰადიდი.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი

თბილისში Trump Tower აშენდება - Wall Street Journal

პაპი აცხადებს, რომ ტრამპთან კამათი „არ არის დაინტერესებული“

სარჯველაძე დიუშენის სინდრომის ბავშვების მშობლებზე ამბობს, რომ მათი ოჯახის წევრების ემოციებით პოლიტიკური დივიდენდების მოპოვებას ცდილობენ