სახელმწიფო ფონდის თანამშრომლებმა თემქის მოხუცთა თავშესაფრის ბენეფიციარებს 8 მარტი მიულოცეს

2015-03-08 15:19:20, 1261 ნახვა

სხვადასხვა

ადამიანით ვაჭრობის (ტრეფიკინგის) მსხვერპლთა, დაზარალებულღა დაცვისა და დახმარების სახელმწიფო ფონდის თანამშრომლებმა თემქის, მოხუცთა თავშესაფარის ბენეფიციარებს „ქალთა საერთაშორისო დღე“ მიულოცეს.

სახელმწიფო ფონდის დირექტორის მოვალეობის შემსრულებელმა ლაშა ჯინჯიხაძემ და მისმა მოადგილემ ბელა გოგუამ მოხუცებს ყვავილები და სუნამოები აჩუქეს.

„ქალთა საერთაშორისო დღე მოხუცთა თავშესაფრის ბენეფიციარებს მივულოცეთ. მინდა ჯანმრთელობა, ბედნიერება და დიდხანს სიცოცხლე ვუსურვო მათ“, - აღნიშნა ლაშა ჯინჯიხაძემ.

მოხუცთა თავშესაფარში დღესდღეობით სულ 40 ქალია.

„დღეს განსაკუთრებული დღეა ყველა ქალისთვის. მინდა მათ სიკეთე, სიყვარული და ბედნიერება ვუსურვო, განსაკუთრებით ჩვენს მოხუცთა თავშესაფრის ბენეფიციარებს, მათთვის დღე განსაკუთრებულია და შევეცადეთ, რომ ეს დღე გაგველამაზებინა მათთვის“, - განაცხადა ბელა გოგუამ.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან