2016-05-31 15:41:45, 1288 ნახვა
მსოფლიო
გაერო-ს ლტოლვილთა სააგენტო: გასულ კვირას ხმელთაშუა ზღვაში 880-მდე მიგრანტი დაიღუპა
გაერო-ს ლტოლვილთა სააგენტოს ოფიციალური წარმომადგენლის, უილიამ სპინდლერის განცხადებით, გასულ კვირას ხმელთაშუა ზღვაში 880-მდე მიგრანტი დაიღუპა.
მათივე მონაცემებით, მიმდინარე წლის დასაწყისიდან ხმელთაშუა ზღვის გადაკვეთის დროს დაახლოებით 2500 ადამიანი დაიღუპა. ამასთან, გასული წლის ანალოგიურ პერიოდში გარდაცვლილთა რაოდენობამ 1800 ადამიანს მიაღწია.
ცნობისთვის, ხმელთაშუა ზღვის გავლით მიმდინარე წლის დაწყებიდან ამ დრომდე ევროპაში 200 ათასზე მეტი ადამიანი ჩავიდა. აქედან თითქმის 3/3 საბერძნეთში თურქეთიდან ჩავიდა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
