„პაციენტის უფლებების კვირეული“ კახეთის რეგიონში გაგრძელდება. 21 და 22 აპრილს შეხვედრები გაიმართება თელავისა და პანკისის ხეობის მოსახლეობასთან.

საინფორმაციო კამპანიის ფარგლებში, ადგილობრივები პაციენტის უფლებების შესახებ მომზადებულ პრეზენტაციას გაეცნობიან, ასევე მიეწოდებათ ინფორმაცია „პაციენტის უფლებების ცხელი ხაზის“ ( 2 103 003) მუშაობის შესახებ. ცხელი ხაზის მენეჯერი დაინტერესებულებს დეტალურად გააცნობს „პაციენტის უფლებების ცხელი ხაზის“ ფარგლებში ხელმისაწვდომ სერვისებს, ასევე ხშირად დასმულ შეკითხვებს და მოსახლეობისთვის ყველაზე აქტულურ საკითხებს.

აუდიტორიას საშუალება ექნება გაეცნოს თუ როგორ ისარგებლონ საყოველთაო ჯანდაცვის პროგრამით გათვალისწინებული სერვისებით; როგორ ხდება სახელმწიფო ჯანდაცვის პროგრამებში ჩართვა; რა ბერკეტები არსებობს ოპერაციების და სხვადასხვა ტიპის სპეციფიური მკურნალობის დაფინანსების მოსაპოვებლად დ ა.შ.

„პაციენტის უფლებების კვირეულის“ ფარგლებში,  თელავის ცენტრლურ ქუჩებში მსვლელობაც იგეგმება. მოხალისეებისგან შემდგარი ჯგუფი „პაციენტის უფლებების ცხელი ხაზის“ მაისურებით მოსახლეობას საინფორმაციო ბროშურებს დაურიგებს. ასევე, საზოგადოებრივი თვშეყრის ადგილებში სეციალური პლაკატები განთავსდება.

მსგავსი ტიპის აქტივობები სამეგრელოს რეგიონიდან დაიწყო. მარტში, პაციენტის უფლებების შესახებ საინფორაციო კამპანია სამეგრელოს რეგიონში - სენაკსა და ზუგდიდში ჩატარდა.

პროექტს ახორციელებს „საქართველოს ბიოეთიკის და ჯანმრთელობის დაცვის სამართლებრივი საკითხების შემსწავლელი საზოგადოება“ ფონდ „ღია საზოგადოება - საქართველოს“ ფინანსური მხარდაჭერით“.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპმა ნატო გააკრიტიკა ირანთან დაკავშირებით დახმარების სურვილის არქონის გამო

უკრაინამ სამარის ოლქში, კრასნოდარის მხარეში და სევასტოპოლში ნავთობის ობიექტებს შეუტია

პაპუაშვილმა ზახაროვას განცხადებას უპასუხა: ჩვენ ხალხის ინტერესებიდან გამომდინარე ვმოქმედებთ

კონგრესმენი უილსონი: აშშ-სთვის მნიშვნელოვანია, რომ ანაკლია პეკინის დომინირების ქვეშ არ მოექცეს