2020-07-09 19:17:17, 9355 ნახვა

---

საქართველოს კალათბურთის ეროვნული ფედერაცია - თორნიკე ყოველთვის იცავდა და დაიცავს სამშობლოსა და ნაკრების ღირსებასა და ინტერესებს

"თორნიკე ყოველთვის იცავდა და დაიცავს თავის სამშობლოსა და ეროვნული ნაკრების ღირსებასა და ინტერესებს" , - ამის შესახებ საქართველოს კალათბურთის ეროვნულმა ფედერაციამ სოციალურ ქსელში განაცხადა.

კალათბურთის ფედერაციამ სრული მხარდაჭერა გამოუცხადა თორნიკე შენგელიას და მას წარმატებები უსურვა.

"საქართველოს კალათბურთის ეროვნული ფედერაცია ეხმაურება თორნიკე შენგელიას მოსკოვის ცსკა-ში გადასვლას და დარწმუნებულია, რომ როგორც აქამდე, მიუხედავად იმისა, თუ რომელი კლუბის რიგებში ირიცხებოდა, თორნიკე ყოველთვის იცავდა და დაიცავს თავის სამშობლოსა და ეროვნული ნაკრების ღირსებასა და ინტერესებს. საქართველოს ეროვნული ნაკრების კაპიტანი კიდევ არაერთხელ გაგვახარებს თავისი წარმატებული სპორტული კარიერით და მისი ლიდერობით საქართველოს ეროვნული ნაკრები აუცილებლად მიაღწევს მნიშვნელოვან გამარჯვებებს!

წარმატებები თოკო!!!" , - ვკითხულობთ საქართველოს კალათბურთის ეროვნული ფედერაციის მიერ გავრცელებულ განცხადებაში.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი