2015-05-30 10:23:52, 1092 ნახვა
მსოფლიო
FIFA-ს პრეზიდენტის პოსტზე კვლავ იოზეფ ბლატერი რჩება
ფეხბურთის საერთაშორისო ფედერაციის (FIFA-ს) პრეზიდენტის პოსტზე კვლავ იოზეფ ბლატერი რჩება.
გუშინ ჩატარებული არჩევნების პირველი ტურის შედეგად კი პრეზიდენტი ვერ აირჩიეს. კანდიდატებს შორის 140 საჭირო ხმა ვერავინ დააგროვა. ბლატერმა 133 ხმა მიიღო, მისმა ერთადერთმა კონკურენტმა იორდანიის პრინცმა ალი ბინ ალი ჰუსეინმა - 73.
პირველი ტურის შედეგების შემდეგ ჰუსეინმა საკუთარი კანდიდატურა მოხსნა.
79 წლის იოზეფ ბლატერი FIFA-ს 17 წელია ხელმძღვანელობს, ამ თანამდებობაზე კი იგი 2019 წლამდე დარჩება.
ფეხბურთის საერთაშორისო ფედერაციის მთავარმა სპონსორებმა განაცხადეს, რომ FIFA-ს შერყეული რეპუტაციის აღსადგენად ბლატერისგან კონკრეტულ ნაბიჯებს ელოდებიან.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
