საქართველოს ბანკმა კიდევ ერთ გლობალურ დაჯილდოებაზე გამარჯვება მოიპოვა. ბანკი საერთაშორისო გამოცემების The Banker-ისა და Financial Times-ის ჯგუფის წევრი Professional Wealth Management (PWM)-ის 2025 წლის პერსონალური საბანკო მომსახურების დაჯილდოებაზე ქვეყანაში საუკეთესოდ დასახელდა. დაჯილდოება 2009 წლიდან იმართება და იგი ინდუსტრიაში მიღწეულ წარმატებებსა და წამყვან პოზიციებს აღიარებს.

“მოხარული ვართ, რომ საქართველოს ბანკი ქვეყანაში საუკეთესო პერსონალური საბანკო მომსახურების ჯილდოს მფლობელი გახდა. ჩვენ პერსონალიზებულ, ყოვლისმომცველ პროდუქტებსა და სერვისებს ვქმნით მომხმარებლებისთვის, რომლებიც სრულყოფილებისა და ინოვაციურობისკენ მიისწრაფვიან. საქართველოს ბანკის Wealth Management და SOLO მიმართულებებით, უახლეს საბანკო ტრენდებს ვნერგავთ, მომხმარებელზე ორიენტირებული მიდგომებით კი პერსონალური საბანკო მომსახურება უწყვეტ, ხელმისაწვდომ, მსოფლიო დონის გამოცდილებად ვაქციეთ“, - აცხადებს ეთუნა ირემაძე, საქართველოს ბანკის გენერალური დირექტორის მოადგილე.

ინფორმაციისთვის, გლობალური პერსონალური საბანკო მომსახურების დაჯილდოების მონაწილეებს ჩრდილოეთ ამერიკაში, აზიასა და ევროპაში მოღვაწე, ინდუსტრიის 23 ექსპერტი აფასებს. გამარჯვებულები კი ზრდაზე ორიენტირებული სტრატეგიების, საინვესტიციო მოდელებისა თუ გაუმჯობესებული მომსახურების კრიტერიუმების საფუძველზე ვლინდებიან.

ავტორი: ექსპრესნიუსი,

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი