ავღანეთის ჩრდილოეთ ნაწილში ბალხის პროვინციაში საქართველოს შეიარაღებული ძალების III ქვეითი ბრიგადის 32-ე ბატალიონის „ბრავო" ასეულის სამხედროებმა   მოტორიზებული საპატრულო ოპერაცია ჩაატარეს.

როგორც „ექსპრესნიუსს“ თავდაცვის სამინისტროდან აცნობეს, სამეთაურო რეკოგნოსცირების მიზნით განხორციელებული პატრულირება ქართული სწრაფი რეაგირების ძალების სამოქმედო რაიონის სამხრეთ და აღმოსავლეთ უკიდურეს ზღუდეებს მოიცავდა. ქართველი ჯარისკაცების გარდა საპატრულო ოპერაციაში  „მტკიცე მხარდაჭერის" მისიაში მონაწილე გერმანული კონტინგენტიც მონაწილეობდა.

უწყების ინფორმაციით, საპატრულო ჯგუფს ავღანეთში საქართველოს უფროსი სამხედრო წარმომადგენელი, პოლკოვნიკი ალექსანდრე კიკნაძე ახლდა. მან ოპერაციის რაიონში მოქმედი სათვალთვალო საგუშაგოები და ავღანეთის ეროვნული არმიის საკონტროლო გამშვები პუნქტები დაათვალიერა.

საქართველოს შეიარაღებული ძალების III ქვეითი ბრიგადის 32-ე ბატალიონის „ბრავო" ასეული „მტკიცე მხარდაჭერის" მისიაში 2016 წლის იანვარში ჩაერთო. ის ბაზა „მარმალზეა“ დისლოცირებული და ბაზის უსაფრთხოების დაცვის გარდა სხვა მნიშვნელოვან ამოცანებსაც ასრულებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი