ამერიკელმა სამართალდაცველებმა ბინების ძარცვისთვის  ბრუკლინში მცხოვრები 31 წლის მამუკა ბოკუჩავა დააკავეს.

როგორც სააგენტო NewsDay.com იუწყება, მამუკა ბოკუჩავამ ვაშინგტონში და მასთან ახლოს მდებარე ტერიტორიებზე 17 სახლი გაძარცვა.

ადგილობრივი პოლიციის დეპარტამენტის უფროსის, კევინ სმიტის თქმით, სამოქმედო გეგმის თანახმად დაკავებული სახლებში უკანა კარიდან ან ფანჯრებიდან აღწევდა.

როგორც პოლიციის დეპარტამენტში აცხადებენ, სამართალდამცველებმა ბოკუჩავას სახლის ჩხრეკისას ათასობით დოლარის ღირებულების სამკაულები, დიზაინერული ჩანთები და სათვალეები აღმოაჩინეს. საერთო ჯამში მოპარული ნივთების ღირებულება 300 ათას დოლარს აღწევს.

აღნიშნულ ფაქტთან დაკავშირებით გამოძიება უკვე დაწყებულია. პოლიციის დეპარტამენტის უფროსის თქმით, ამ ეტაპზე ნივთების იდენტიფიკაცია მიმდინაროებს.

ამსთან, კევინ სმიტმა აღნიშნა, რომ ამ დრომდე უცნობია, თუ რატომ არ ცდილობდა ბოკუჩავა აღნიშნული ნივთების გაყიდვას.

როგორც გამოძიებამ დაადგინა, მამუკა ბოკუჩავამ სახლების ძარცვა 2014 წლის ნოემბრიდან დაიწყო. იგი დღეს ბრუკლინში დააკავეს. ოფიციალური ინფორმაციით, ბოკუჩავა მანჰეტენზე ერთ-ერთ რესტორანში მიმტანად მუშაობდა.

ბოკუჩავას ადვოკატის, ტარა ველანის თქმით, ის ოჯახში ერთადერთი მომუშავე პირია. მამუკა ბოკუჩავას მეუღლე და ერთი შვილი ჰყავს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი