ოფიციალური ვიზიტით უნგრეთში მყოფი საქართველოს პრემიერ-მინისტრი ირაკლი ღარიბაშვილი მაღალი რანგის შეხვედრებს აგრძელებს. 

პრემიერის პრესსამსახურის ინფორმაციით,  ირაკლი ღარიბაშვილი უნგრეთის რესპუბლიკის ეროვნული ასამბლეის სპიკერს, ლასლო კოვერის შეხვდა. მხარეებმა ორი ქვეყნის თანამშრომლობის საკითხები განიხილეს, მათ შორის პარლამენტთაშორისი ურთიერთობების  გაღრმავების პერსპექტივები.

ამასთან, მხარეებმა  ყურადღება გაამახვილეს  საქართველოს ევროკავშირთან ინტეგრაციის პროცესსა და ნატო-ში გაწევრიანების საკითხებზე. აღინიშნა, რომ ასოცირების შეთანხმების ეფექტური განხორციელება და ევროკავშირთან სავიზო დიალოგის დროული დასრულება საქართველოს ხელისუფლების უმთავრეს პრიორიტეტს წარმოადგენს.

შეხვედრაზე  საქართველოს ოკუპირებულ ტერიტორიებზე შექმნილი ვითარება და რეგიონში არსებულ გამოწვევები განიხილეს.  შეშფოთება გამოითქვა  აფხაზეთსა და სამხრეთ ოსეთში რუსეთის საოკუპაციო რეჟიმებსა და მოსკოვს შორის ე.წ. „შეთანხმებების“ გაფორმების გამო, რაც საერთაშორისო სამართლის ნორმების უხეშ დარღვევად შეფასდა.  

შეხვედრას ქართული მხრიდან ვიცე-პრემიერი, ენერგეტიკის მინისტრი კახა კალაძე, საგარეო საქმეთა მინისტრი თამარ ბერუჩაშვილი და სოფლის მეურნეობის მინისტრი ოთარ დანელია დაესწრნენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მილანში ულტრამემარჯვენეების წინააღმდეგ გამართული საპროტესტო აქციის დროს არეულობა დაიწყო - ვიდეო

პირადი ცხოვრების საიდუმლოს ხელყოფის და სქესობრივი კავშირის იძულების ფაქტებზე ერთი პირია დაკავებული

შსს: დავაკავეთ კაცი, ფიზიკური შეურაცხყოფა მიაყენა ქალს, სიცოცხლის მოსპობით დაემუქრა

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს