22-მდე ქართველი ამ დრომდე სუდანის დედაქალაქ ხარტუმში რჩება.

ავიაკომპანია  „ჯეოსქაი“-ს ვიცე პრეზიდენტის შალვა კაპანაძის ინფორმაციით ისინი ჯანმრთელად არიან  და ყველა საჭიროებებით უზრუნველყოფილი.

კაპანაძე ასევე ამბობს, რომ  ამ დროისთვის ცეცხლი შეწყვეტილია და სროლის ხმები არ ისმის. რაც შეეხება ქართველების ევაკუაციას  „ჯეოსქაის“ ინფორმაციით  კომპანია საგარეო საქმეთა სამინისტროსა და გაეროს ოფიციალურ დადასტურებას ელოდება.

Myway Airlines-ის გენერალური დირექტორი ამბობს, რომ ამ ეტაპზე სუდანის დედაქალაქ ხართუმიდან საქართველოს მოქალაქეების სახმელეთო გზით გაყვანა განიხილება. რატი ბაკურაძის თქმით, კომპანიაში ასევე არის ინფორმაცია, რომ მათი ორი თვითმფრინავიდან ერთ-ერთი აფეთქებულია, თუმცა ოფიციალურად ჯერ არ დასტურდება. 

ამერიკის შემდეგ სუდანიდან მოქალაქეების ევაკუაცია დაიწყეს საფრანგეთმა და ნიდერლანდებმა.

საფრანგეთის საგარეო საქმეთა სამინისტროს ცნობით, მათ სწრაფი ევაკუაციის ოპერაცია დაიწყეს და ქვეყნის დატოვებაში ევროპისა და მოკავშირე ქვეყნების მოქალაქეებსაც დაეხმარებიან. 

ამ დროისთვის არსებული ინფორმაციით, სუდანში უკვე 1 კვირაა ჩარჩენილია საქართველოს 50-მდე მოქალაქე. არსებული ცნობებით, მათ საკვებისა და წყლის მარაგები აქვთ. 

შეგახსენებთ, რომ სუდანში ქვეყნის არმიასა და გასამხედრებული დაჯგუფების „სწრაფი მხარდაჭერის ძალების“ მებრძოლებს შორის დაპირისპირება 15 აპრილიდან მიმდინარეობს.

ავტორი: ექსპრესნიუსი,

სოციალური ქსელები

პირადი ცხოვრების საიდუმლოს ხელყოფის და სქესობრივი კავშირის იძულების ფაქტებზე ერთი პირია დაკავებული

შსს: დავაკავეთ კაცი, ფიზიკური შეურაცხყოფა მიაყენა ქალს, სიცოცხლის მოსპობით დაემუქრა

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს