„არც მეტი, არც ნაკლები ამ ეტაპზე აფხაზეთში ევროკავშირის ოფისის გახსნის საკითხი არ დგას“,-ამის შესახებ ევროკავშირის სპეციალურმა წარმომადგენელმა სამხრეთ კავკასიაში ჰერბერტ ზალბერმა სოხუმში ევროკავშირის ოფისის შესაძლო გახსნასთან დაკავშირებით,  „მოამბესთან“ ექსკლუზიურ ინტერვიუში საუბრისას განაცხადა.

ზალბერის თქმით, ევროკავშირი არასოდეს გადადგამს ისეთ ნაბიჯს, რასაც ქართული მხარე არ ეთანხმება.

„ევროკავშირის წარმომადგელობის საკითხი ძალიან ზოგადი ფორმით დაისვა. ამ მიმართულებით არაფერი კონკრეტული არ განხილულა. არის იდეა, რომ გაკეთდეს უფრო მეტი ჩართულობის ფარგლებში იმ  გზებით, რომლებიც მე უკვე განვმარტე, რათა არსებობდეს მეტი შესაძლებლობა ევროკავშირისთვის პროცესებში მეტი ჩართულობის განსახორციელებლად. არც მეტი არც ნაკლები ამ ეტაპზე ევროკავშირის ოფისის  გახსნის საკითხი არ დგას. ჩვენ არასოდეს გადავდგამთ ისეთ ნაბიჯს  და არ გავაკეთებს არაფერს ისეთს, რომ ქართული მხარე არ ეთანხმება“,-განაცხადა ზალბერმა.  

ამასთან, როგორც  ზალბერმა აღნიშნა, აფხაზეთში მის ყველა შეხვედრაზე  ხაზი გაესვა იმ პოლიტიკას, რომელზეც დგას  და ინარჩუნებს ევროკავშირი.

„ეს არის პირველ რიგში არაღიარების და ამავე დროს ჩართულობის პოლიტიკა.  ეს ნიშნავს იმას, რომ ევროკავშირი ხელს  შეუწყობს მცირემასშტაბიანი პროექტების განხორციელებას  აფხაზეთში, რომლის  მიზანია მოსახლეობის მდგომარეობის გაუმჯობესება, რამაც ჩვენი აზრით, ხელი უნდა შეუწყოს კონფლიქტის მძიმე შედეგების შემცირებას. ეს ჩვენთვის მნიშვნელოვანია. არც მეტი, არც ნაკლები  მე აფხაზეთში ხაზგასმით ავღნიშნე, რომ  ევროკავშირის პოლიტიკაში არაფერი შეიცვლება, როდესაც საქმე ეხება არაღიარების  საკითხს“,-განაცხადა ჰერბერტ ზალბერმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

დიუშენის კუნთოვანი დისტროფიის მქონე ბავშვების მშობლები მთავრობის ადმინისტრაციასთან უწყვეტ პროტესტს იწყებენ

კიევში შეიარაღებულმა პირმა ავტომატური იარაღიდან ცეცხლი გაუხსნა ხალხს, არიან დაღუპულები და დაჭრილები.

მეუღლის არასრულწლოვანი შვილების გაუპატიურებაში ბრალდებული სტუ-ს თანამშრომელი იყო

აშშ-მ კუბასთან საიდუმლო მოლაპარაკებები გამართა, ბოლო 10 წლის განმავლობაში პირველად