თბილისის საქალაქო სასამართლოსთან აქცია გაიმართა.

„საქართველოს პატრიოტთა ალიანსის“ წარმომადგენლებმა, ასევე უფლებადამცველებმა სოსო რობაქიძემ, ირაკლი კაკაბაძემ და მელორ ვაჩნაძემ აქცია გამართეს.

აქციის მონაწილეებს თბილისის საქალაქო სასამართლოსთან და ტელეკომპანია „რუსთავი 2“-თან პრეტენზიები ჰქონდათ.

აქციის მონაწილეები აცხადებდნენ, რომ დღეს დილით, საქალაქო სასამართლოში „ზონდერები“ შეუშვეს, რათა შემდეგ დაზარალებული მხარის წარმომადგენლები ე.წ. კორტების სპეცოპერაციის საქმეზე დაკავებულების პროცესს ვერ დასწრებოდნენ.

აქციას, ასევე, იური ვაზაგაშვილის მეუღლე ციალა ვაზაგაშვილიც შეუერთდა, რომელმაც სასამართლო პროცესზე არ შეშვება გააპროტესტა.

რაც შეეხება „რუსთავი 2“-ს, „პატრიოტთა ალიანსის“ წარმომადგენლები გადაცემა „არჩევანში“ მიწვეული სტუმრის განცხადებების გაშვებას აპროტესტებდნენ.

როგოც „პატრიოტთა ალიანსის“ წევრმა კოტე ინაშვილმა განაცხადა, არავის აქვს უფლება გარდაცვლილ იური ვაზაგაშვილს რაიმე დააბრალოს, მითუმეტეს, ნარკოტიკების გაყიდვა.

„ჩვენ ვაპროტესტებთ გადაცემა „არჩევნას“, სადაც მიწვეული იყო ვინმე გაბუნია, რომელმაც საზიზღრობები ისაუბრა გარდაცვლილ ადამიანზე, კერძოდ იური ვაზაგაშვილზე. ზოგადად ნათქვამია, რომ გარდაცვლილზე ან კარგს ამბობენ, ან არაფერს და იმ განცხადებებით, რაც მოქალაქე ლევან გაბუნიამ გააკეთა, შეურაცხყოფა მიაყენა გარდაცვლილს და მის ოჯახს. ჩვენ მოვითხოვთ, რომ საერთოდ აიკრაძლოს „რუსთავი 2“, - განაცხადა კოტე ინაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი