ცდილობენ ხელოვნურად ჩაშალონ პროცესი, რადგან იციან, რომ დამარცხდებიან, - ამის შესახებ ფეხბურთის ფედერაციის პრეზიდენტობის კანდიდატმა ლევან კობიაშვილმა სასტუმრო „ჰოლიდეი ინ“-თან განაცხადა, სადაც მისი მხარდამჭერები არიან შეკრებილი.

როგორც კობიაშვილმა აღნიშა, 18 დელეგატი უკვე დარეგისტრირებულია, რაც ქვორუმისთვი საკმარისია, თუმცა ყრილობა მაინც არ იწყება. 

„ცდილობენ ხელოვნურად ჩაშალონ პროცესი, რადგან იციან, რომ დამარცხდებიან. 18 დელეგატი არის დარეგისტრირებული, ქვორუმი შემდგარია. ხელოვნურად ქმნიან პრობლემას, რამოდენიმე დელეგატი ჰყავთ ოთახში ჩაკეტილი და მათ არ აძლევენ საშუალებას, რომ შევიდნენ დარბაზში, სადაც ყრილობა უნდა ჩატარდეს. ისინი ხელოვნურად ცდილობენ პროცესი ჩაიშალოს, არ უნდათ აღიარონ, რომ წააგეს ეს არჩევნები, დღეს დამთავრდება ეს“, - განაცხადა ლევან კობიაშვილმა.

ცნობისთვის, საქართველოს ფეხბურთის ფედერაციის საპრეზიდენტო არჩევნები ამ დრომდე არ დაწყებულა.

თუ რის გამო არ იწყება საარჩევნო ყრილობა, ამ დრომდე ოფიციალურ კომენტარი არ გაკეთებულა.

საარჩევნო ყრილობა 11:00 საათზე უნდა დაწყებულიყო.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი

თბილისში Trump Tower აშენდება - Wall Street Journal

პაპი აცხადებს, რომ ტრამპთან კამათი „არ არის დაინტერესებული“