2016-08-03 10:01:29, 961 ნახვა
რეგიონი
ზუგდიდში ბენზინგასამართ სადგურს ცეცხლი გაუჩნდა
ზუგდიდში ცოტნე დადიანის ქუჩაზე მდებარე „გალფის“ ბენზინგასამართ სადგურს ცეცხლი გაუჩნდა.
როგორც „ექსპრესნიუსს“ საგანგებო სიტუაციების მართვის სამსახურში განუცხადეს, ხანძრის შედეგად არავინ დაშავებულა.
„ზუგდიდში „გალფის“ ბენზინგასამართ სადგურში ცეცხლი რეზერვუარში გაჩნდა, რის შემდეგაც ბენზინგასამართ სადგურსა და უკან მდებარე ტერიტორიას მოედო. ადგილზე მეხანძრეები მუშაობდნენ და მალევე მოახერხეს ხანძრის ჩაქრობა. ხანძრის შედეგად არავინ დაშავებულა“, - განაცხადეს საგანგებო სიტუაციების მართვის სამსახურში.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
