ბათუმის ოლიმპიური საფეხბურთო სტადიონის საკონკურსო-საპროექტო წინადადებების წარდგენა დასრულდა.

როგორც „ექსპრესნიუსს“ აჭარის მთავრობის პრესსამსახურიდან აცნობეს, სტადიონის მშენებლობაზე სურვილს 12 კომპანია აცხადებს.

საპროექტო  წინადადებების  პაკეტები აჭარის ფინანსთა და ეკონომიკის სამინისტროში დღეს გაიხსნა. შეხვედრას აჭარის ა/რ ფინანსთა და ეკონომიკის მინისტრი დავით ბალაძე, აჭარის ა/რ განათლების კულტურისა და სპორტის სამინისტროს, ბათუმის მერიის და კონკურში მონაწილე კომპანიების წარმოამდგენლები ესწრებოდნენ.

წარმოდგენილ კომპანიებს შორის 6 ქართული, ხოლო დანარჩენი უცხოური კომპანიებია. მათ შორის ესპანეთის, საბერძნეთის, პოლონეთის, თურქეთის, უკრაინისა და იტალის.

პროექტები გამოიფინება საჯარო განხილვისათვის, რის შემდეგაც არასამთავრობო და სამთავრობო სექტორის წარმომადგენლებისაგან დაკომპლექტებული საკონკურსო კომისია იმსჯელებს პროექტის შეფასებაზე.

სტადიონის პროექტირების საწყისი ღირებულება 650 000 ლარია. უეფას და ფიფას სტანდარტების სტადიონი 20 000 მაყურებელზე იქნება გათვლილი.

ცნობისთვის, აჭარის ფინანსთა და ეკონომიკის სამინისტრომ ბათუმში სტადიონის საპროექტო-სახარჯთაღრიცხვო დოკუმენტაციის შედგენაზე კონკურსი 2015 წლის 5 იანვარს გამოაცხადა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზელენსკი: რუსეთის წინააღმდეგ სანქციების შერბილების გაგრძელება აძლიერებს რუსეთის ლიდერების ილუზიას, რომ შეუძლიათ ომის გაგრძელება

მილანში ულტრამემარჯვენეების წინააღმდეგ გამართული საპროტესტო აქციის დროს არეულობა დაიწყო - ვიდეო

პირადი ცხოვრების საიდუმლოს ხელყოფის და სქესობრივი კავშირის იძულების ფაქტებზე ერთი პირია დაკავებული

შსს: დავაკავეთ კაცი, ფიზიკური შეურაცხყოფა მიაყენა ქალს, სიცოცხლის მოსპობით დაემუქრა