„კეთილი იყოს ინვესტორების მობრძანება საქართველოში. მათ შემოსვლას პირველ რიგში ეკონომიკის სამინისტრო უწყობს ხელს“, - ასე უპასუხა საქართველოს იუსტიციის მინისტრმა თეა წულუკიანმა ჟურნალისტის შეკითხვას, რომლის თანახმადაც, დუბაიდან ბიზნესმენი საქართველოში 25 მილიონი დოლარის ინვესტიციის ჩადებას გეგმავდა, მაგრამ საზღვარზე არ შემოუშვეს, რადგან კოდუას მიერ მოპოვებული ინვესტორი იყო.

წულუკიანის განმარტებით, საქართველოში არსებობს კანონები და არსებობენ სტრუქტურები, რომლებიც საზღვარს აკონტროლებენ. მინისტრის შეფასებით, კანონი ყველამ უნდა დაიცვას.

ამასთან, თეა წულუკიანის მტკიცებით, ინვესტორების საკანონმდებლო მოთხოვნები დღეს ბევრად გაადვილებულია.

„კეთილი იყოს ინვესტორების მობრძანება საქართველოში. ინვესტორები ის უცხოელები არიან, რომელთაც არა მხოლოდ იუსტიციის სამინისტრო, პირველ რიგში ეკონომიკის სამინისტრო ხელს უწყობს, რომ შემოვიდეს ქვეყანაში. ჩვენს ქვეყანაში არსებობს კანონები, არსებობენ სტრუქტურები, რომლებიც აკონტროლებენ საზღვარს და კანონი ყველამ უნდა დაიცვას. თუმცა, ინვესტორების საკნონმდებლო მოთხოვნები, ბევრად გაადვილებულია და ამისთვის საკმარისია წაიკითხოთ უცხოელთა შესახებ საქართველოს კანონი, სადაც ინვესტორებისთვის სპეციალური ვიზები, სპეციალური ბინადრობები და სპეციალური ხელშეწყობაა გათვალისწინებული“, - განაცხადა თეა წულუკიანმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მილანში ულტრამემარჯვენეების წინააღმდეგ გამართული საპროტესტო აქციის დროს არეულობა დაიწყო - ვიდეო

პირადი ცხოვრების საიდუმლოს ხელყოფის და სქესობრივი კავშირის იძულების ფაქტებზე ერთი პირია დაკავებული

შსს: დავაკავეთ კაცი, ფიზიკური შეურაცხყოფა მიაყენა ქალს, სიცოცხლის მოსპობით დაემუქრა

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს