2015-02-27 19:20:05, 883 ნახვა
ეკონომიკა
დავით ნარმანია: თბილისის გზების აღსადგენად 20 მილიონ ლარზე მეტია გამოყოფილი
თბილისის მერის დავით ნარმანიას განცხადებით, თბილისის გზებისა და ინფრასტრუქტურის აღსადგენად ბიუჯეტიდან 20 მილიონ ლარზე მეტია გამოყოფილი.
როგორც ნარმანიამ ჟურნალისტებს განუცხადა, გზების აღდგენითი სამუშაოები მარტიდან დაიწყება.
“სამუშაოები მარტიდან დაიწყება. ძირითადი ტენდერები, სადაც უნდა იქნას კომპანიები შერჩეული, გამოცხადებულია, როგორც კეთილმოწყობის სამსახურის მიერ, ასევე რაიონული სამსახურების მიერ. მცირედი შეკეთებები ადგილობრივი მნიშვნელობების გზებზე რაიონული გამგეობების მიერ, ხოლო ძირითადი მაგისტრალების შეკეთებას უშუალოდ ქალაქ თბილისის მერიის კეთილმოწყობის სამსახური გაუწევს კურირებას. ჩვენს ნაწილში დედაქალაქის ბიუჯეტიდან 20 მილიონ ლარზე მეტია გათვალისწინებული, ხოლო 10 მილიონ ლარამდეა გათვალისწინებული რაიონული გამგეობებიდან”, - განაცხადა დავით ნარმანიამ.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
