„ჩემი პოზიცია კვლევებთან დაკავშირებით უცვლელია, საუკეთესო მაჩვენებელი ყოველთვის არის არჩევნები“, - ამის შესახებ თბილისის მერმა დავით ნარმანიამ IRI-ის კვლევების კომენტირებისას ჟურნალისტებს განუცხადა.

როგორც ნარმანიამ აღნიშნა, მოსახლეობის ხელისუფლებისადმი დამოკიდებულება არჩევნების დროს გამოვლინდება.

„დარწმუნებული ვარ, რომ მოსახლეობა მიიღებს ისეთ გადაწყვეტილებას, როგორიც 2012 და 2014 წელს ადგილობრივი არჩევნების დროს მიიღო. დარწმუნებული ვარ, რომ მმართველი პოლიტიკური პარტია აბსოლუტური უმრავლესობით იქნება ყველგან წარმოდგენილი“, - განაცხადა დავით ნარმანიამ.

ცნობისთვის, გავრცელებული ინფორმაციით, საერთაშორისო რესპუბლიკური ინსტიტუტის (IRI) კვლევის თანახმად, კითხვაზე - ხვალ რომ საპარლამენტო არჩევნები იყოს ვის მისცემდით ხმას, გამოკითხულთა 20% აცხადებს რომ „ქართულ ოცნებას“, 19% კი „ნაციონალურ მოძრაობას“. მესამე ადგილი „თავისუფალმა დემოკრატებმა“ დაიკავეს, მათ გამოკითხულთა 13 % უჭერს მხარს.

IRI-ის კვლევები ოფიციალურად ჯერ არ გამოქვეყნებულა. კვლევის შედეგებს პოლიტიკური პარტიების ნაწილი გაეცნო, ნაწილი კი უახლოეს დღეებში გაეცნობა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი