2023-05-11 22:20:02, 2467 ნახვა
სპორტი
ძიუდოში მსოფლიო ჩემპიონატზე, ქართულ ფინალში ლუკა მაისურაძემ გაიმარჯვა
დოჰაში მიმდინარე მსოფლიო ჩემპიონატზე ძიუდოში დღეს 90 კგ წონით კატეგორიაში ქართული ფინალი გაიმართა. ოქროს მედლისთვის ერთმანეთს ოლიმპიური ჩემპიონი ლაშა ბექაური და ევროპის ჩემპიონი ლუკა მაისურაძე დაუპირისპირდნენ.
შეხვედრა, როგორც მოსალოდნელი იყო დაძაბულად წარიმართა, ძირითად დროში გამარჯვებული ვერ გამოვლინდა, დამატებითში კი მაისურაძემ ეფექტური გდება შეასრულა და მსოფლიო ჩემპიონი გახდა.
შეგახსენებთ, რომ დღემდე, მიმდინარე მსოფლიო ჩემპიონატზე საქართველოს ნაკრების ანგარიშზე ერთი ოქროსა და ერთი ბრინჯაოს მედალი იყო. მსოფლიო ჩემპიონი ტატო გრიგალაშვილი (81კგ) გახდა, ტურნირზე მესამე ადგილი კი 19 წლის გიორგი სარდალაშვილმა (60კგ) დაიკავა.
ავტორი: ექსპრესნიუსი,
epn.ge (@expressnews.ge)
