განაის ჰატაისპორის ნახევარმცველი კრისტიან აცუ თურქეთში მიწისძვრიდან თითქმის ორი კვირის შემდეგ,  ჩამონგრეული შენობის ქვეშ, გარდაცვლილი იპოვეს - ინფორმაცია ფეხბურთელის აგენტმა დაადასტურა.

31 წლის განას ფეხბურთელი გაუჩინარდა მას შემდეგ, რაც მიწისძვრამ ჰატაის პროვინციაში, დაანგრია სახლი სადაც ის ცხოვრობდა. კლუბმა Hatayspor-მა თავდაპირველად განაცხადა, რომ ფეხბურთელი "დაზიანებებით" გადაარჩინეს, მაგრამ ეს არ დადასტურდა.

„დამძიმებული გულით უნდა განვაცხადო, რომ დღეს დილით, სამწუხაროდ, კრისტიან აცუს ცხედარი აღმოაჩინეს. უღრმესი სამძიმარი მის ოჯახს და ახლობლებს. მინდა ვისარგებლო შემთხვევით და მადლობა გადავუხადო ყველას მოლოცვისთვის და მხარდაჭერისთვის", - დაწერა შაბათს მისმა აგენტმა ნანა სეჩერემ. 

ატსუ ინგლისის პრემიერ ლიგაში ჩელსისა და ნიუკასლში თამაშობდა და განას ნაკრებში 60 მატჩი ჩაატარა. 2022 წლის სექტემბერში ატსუ შეუერთდა თურქეთის უმაღლესი დივიზიონის გუნდს ჰატაისპორს და გაიტანა გამარჯვების გოლი თურქეთის სუპერლიგის მატჩში 5 თებერვალს.

შეგახსენებთ, რომ 6 თებერვალს თურქეთის სამხრეთ-აღმოსავლეთ ნაწილში, სირიის საზღვართან ახლოს 7.8 მაგნიტუდის სიმძლავრის მიწისძვრა მოხდა. ​აშშ-ის გეოლოგიური სამსახურის ცნობით, მიწისძვრა ადგილობრივი დროით 04:17 საათზე 17,9 კმ სიღრმეზე ქალაქ გაზიანტეპთან დაფიქსირდა.

მოგვიანებით, ადგილობრივი დროით 13:24 საათზე თურქეთში კიდევ ერთი 7.8 მაგნიტუდის სიმძლავრის მიწისძვრა დაფიქსირდა. სეისმოლოგიის დამოუკიდებელი სამეცნიერო ორგანიზაციის ცნობით, მიწისძვრის ეპიცენტრი ქვეყნის ცენტრალურ ნაწილში იყო.

ავტორი: ექსპრესნიუსი,

სოციალური ქსელები

სარჯველაძე დიუშენის სინდრომის ბავშვების მშობლებზე ამბობს, რომ მათი ოჯახის წევრების ემოციებით პოლიტიკური დივიდენდების მოპოვებას ცდილობენ

დიუშენის კუნთოვანი დისტროფიის მქონე ბავშვების მშობლები მთავრობის ადმინისტრაციასთან უწყვეტ პროტესტს იწყებენ

კიევში შეიარაღებულმა პირმა ავტომატური იარაღიდან ცეცხლი გაუხსნა ხალხს, არიან დაღუპულები და დაჭრილები.

მეუღლის არასრულწლოვანი შვილების გაუპატიურებაში ბრალდებული სტუ-ს თანამშრომელი იყო