ადრეული რენესანსის ეპოქის თვალსაჩინო წარმომადგენლის გენიალური სანდრო ბოტიჩელის ლეგენდარული ნახატი "ახალგაზრდა მედალიონით" "სოტბის" აუქციონზე 80 მილიონ დოლარად გაიყიდა.
ნიუ-ორკში გამართულ აუქციონზე, ნახატის მთლიანმა ღირებულებამ გადასახადებთან და საკომისიიოსთან ერთად 92 მილიონ 400 ათასი დოლარი შეადგინა, რაც რეკორდულია ყველა დროს გაყიდულ ნახატებს შორის.
ნახატის მყიდველის ვინაობა, უცნობი რჩება. რენესანსის ეპოქის ნამუშევარი მისმა ახლანდელმა ანონიმურმა მფლობელმა 1982 წელს ბრიტანეთში გამართულ აუქციონზე შეიძინა.

ალესანდრო დი მარიანო დი ვანი ფილიპე ცნობილი,როგორც სანდრო ბოტიჩელი,1445 წელს დაიბადა ქალაქ ფლორენციაში.
საქვეყნოდ ცნობილი ტილოებია: “ივდითის დაბრუნება”, “ძალის ალეგორია”, “სებასტიანე”, “მეფეთა თაყვანისცემა”, “შექმნათა”ეპიზოდები, “ვენერას დაბადება”, “მინერვა და კენტავრი”. ეს უკანასკნელი იმითაა გამორჩეული,რომ ბოტიჩელიმ ამ ნახატით პირველად სცადა ანტიკური მშვენიერების აღდგენა ხელოვნებაში. მისი ჩანაფიქრი უდავოდ ორიგინალური და საყურადღებო იყო. ტილოზე გამოსახულია შემდეგი რამ: სიბრძნის ქალღმერთმა თმაზე ხელის ერთი შეხებით შებოჭა და მოათვინიერა დაუმორჩილებელი,ველური და შფოთიანი ცხენკაცი.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აშშ-მ კუბასთან საიდუმლო მოლაპარაკებები გამართა, ბოლო 10 წლის განმავლობაში პირველად

ირანი უარყოფს ტრამპის განცხადებას გამდიდრებული ურანის აშშ-ში გადაცემაზე დათანხმების შესახებ

გვარამია:ავტორიტარმა უნდა მიიღოს რისიც ეშინია, ამიტომ, 26 მაისს ყველანი რუსთაველზე

სანიკიძე: ცოტნე მამაშენია ის მოძალადე, რომელსაც უნდა გაემიჯნო