თბილისის მერიის მხარდაჭერით ხელოვნების პირველი საერთაშორისო ფესტივალი „თბილისი რიტმი" 12 - 23 ივნისის გაიმართება.

12 ივნისს, 20:00 საათზე, რუსთაველის თეატრში ფესტივალს გახსნის ევროპის ყველაზე პრესტიჟული კონკურსის LetterOne ჯაზის "ამომავალი ვარსკლავის" ჯილდოს მფლობელი, ფრანგი გიტარისტი და კომპოზიტორი ტომ იბარა ჯგუფთან ერთად. კონცერტის დაწყებამდე რუსთაველის თეატრის ფოიეში კონცერტზე მოსულ პუბილიკას დახვდება ქართველი კერამიკოსის ნატო ერისთავის ორიგინალური ნამუშევრების გამოფენა, სახელწოდებით „პორტალ". 

23 ივნისს, ფესტივალს დახურავს ნიაზ დიასამიძე-33ა თბილისის საკონცერტო დარბაზში.  პროექტი ხორციელდება Check in Georgia-ს ფარგლებში.

ინფორმაცია ფესტივალის მონაწილეთა შესახებ:

* ფანკ-ფიუჟენ, ჯაზის, როკისა და ინსტურმენტალური პოპ-მუსიკის უბადლო შემსრულებელი, 18 წლის ტომ იბარა 6 წლის ასაკიდან დაეუფლა გიტარაზე დაკვრას. მისი ტალანტი აღიარეს მსოფლიოში ცნობილმა ჯაზმენებმა: მარკუს მილერმა, რიჩარდ ბონამ, დიდიე ლოკვუდმა და სილვენ ლუკმა. ტომ იბარას 2018 წლის ევროპის წამყვან ჯაზფესტივალების საგასტროლო ტურნეს ჩვენი დედაქალაქიც შეემატა. ტომ იბარას ჯგუფი რუსთაველის თეატრში უახლესი ალბომს, სახელწოდებით SPARKLING წარადგენს.

* ნიაზ დიასამიძის მუსიკალურ კომპოზიციებში რიტმულ დინამიკურობას ქმნის შესრულების უჩვეულო მანერა, რომელიც ჟანრობრივად აერთიანებს რეგის და ფოლკ-როკს. მისი საოცარი ხმის ტემბრი ჰარმონიულად აბალანსებს გიტარისა და ფანდურის ჟღერადობას. ამ ყველაფერში იგრძნობა ძლიერი რაინდული სულისკვეთება და ქართული ფოლკლორისადმი პატივისცემა, რამაც განაპირობა ნიაზის პოპულარობა ქართულ სამუსიკო ხელოვნებაში.

ფესტივალი „თბილისი რიტმი" 15 წლიანი შემოქმედებითი მუშაობის შედეგია. მისი ორგანიზატორია კომპანია „თაგის არტი". ფესტივალი მიზნად ისახავს ქართულ და უცხოურ სახელოვნებო პოტენციალის ინტეგრაციას, მსოფლიო მუსიკალური მეგაპოლისების გვერდით თბილისის წარმოჩენას და ჩვენი ქვეყნის ფართო მასშტაბურ პოპულარიზაციას. ამით ფესტივალს წვლილი შეაქვს საქართველოს, როგორც რეგიონული კულტურის ცენტრის იმიჯის გამყარებაში. - აცხადებს ფესტივალის ორგანიზატორი, პროდიუსერი ანი ლაღიძე.

(NS)

ავტორი: ,

სოციალური ქსელები

ბაზისბანკის მხარდაჭერით ფულის გლობალური კვირეულისადმი მიძღვნილი ნახატების კონკურსი "ჩემი რეგიონი - ჩემი ბანკნოტი" დასრულდა

RECSOL-მა Altaris-ის „საუკეთესო მწვანე ინიციატივის“ ჯილდო მიიღო - „თეგეტა ჰოლდინგის“ მხარდაჭერით საქართველოში საბურავების გადამმუშავებელი საწარმო შენდება

ერთი პირი სტუმრად ყოფნისას შეუძლოდ გახდა და გარდაიცვალა, ორმა მამაკაცმა ცხედარი ტყეში დამალეს და მიიმალნენ

აქედან არ გავალთ,- ოჯახები, რომლებსაც საკუთრებას ჩამოართმევენ