საქართველოს თავდაცვის მინისტრმა ლევან იზორიამ დავით აღმაშენებლის სახელობის ეროვნული თავდაცვის აკადემიაში, თემაზე „შეიარაღებული ძალების ოპტიმიზაცია და თანამედროვე გამოწვევები“, ლექცია წაიკითხა. 

ლექციას საქართველოს შეიარაღებული ძალების სამხედრო მოძღვრები დაესწრნენ. 

თავდაცვის მინისტრმა კაპელანებს საქართველოს ევროატლანტიკური ინტეგრაციის პროცესზე, შეიარაღებული ძალების რეფორმებზე და გლობალური უსაფრთხოების საკითხებზე ინფორმაცია მიაწოდა და სამხედრო მოძღვრებს სხვადასხვა ინიციატივის განხორციელების პროცესში სრული მხარდაჭერა აღუთქვა.

თავდაცვის მინისტრის ლექციით ეროვნული თავდაცვის აკადემიაში სამხედრო მოძღვრებისთვის ორგანიზებული "სწავლების მეთოდისა და ხარისხის ამაღლების" კურსი დასრულდა. 

საქართველოს შეიარაღებული ძალების 33 სამხედრო მოძღვარს კურსის გავლის დამადასტურებელი სერთიფიკატებიც გადაეცათ. 

სალექციო კურსის ფარგლებში თბილისის სასულიერო სემინარიასა და ეროვნულ თავდაცვის აკადემიას შორის ურთიერთთანამშრომლობის მემორანდუმი გაფორმდა. 

დოკუმენტს ხელი ეროვნული თავდაცვის აკადემიის რექტორმა პოლკოვნიკმა ზაზა ჯაფარიძემ და სასულიერო სემინარიის პრორექტორმა, დეკანოზმა ბესარიონ ცინცაძემ მოაწერეს.

მემორანდუმის თანახმად, ეროვნული თავდაცვის აკადემიასა და სასულიერო სემინარიის შორის ერთობლივი სამეცნიერო, კულტურული და ინტელექტუალური ღონისძიებები გაიმართება.

დღესვე, გორისა და ატენის მიტროპოლიტმა, მეუფე ანდრიამ დავით აღმაშენებლის სახელობის ეროვნული თავდაცვის აკადემიაში პარაკლისი გადაიხადა და სამხედრო მოძღვრების დახმარებით ეროვნული თავდაცვის აკადემიის ტერიტორია აკურთხა.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აშშ-მ ამერიკული ხელოვნური ინტელექტის კოპირებისთვის ჩინეთისა და რუსეთის წინააღმდეგ სანქციების დაწესების განხილვა დაიწყო

აშშ-მ ირანისა და ირანის მხარდამჭერი გემების დევნა დაიწყო

ოცნება მცირე მეღვინეობებისთვის წესებს შეცვლის და ხარისხის კონტროლს გაამკაცრებს

პაპუაშვილი აბასთუმნის ცის დაკეტვაზე - რადიკალური ოპოზიცია ცდილობს, არ დაუშვან სამეცნიერო პოტენციალის ათვისება