პარტნიორობა მშვიდობისათვის“ პროგრამის ნდობის ფონდის ეგიდითა და ნატო-ს უზრუნველყოფისა და მომარაგების სააგენტოსთან მჭიდრო თანამშრომლობის ფარგლებში  ახალი პროექტი „საქართველო IV“ დაიწყო.
ნატოს ნდობის ფონდის პროექტების მენეჯერი დევიდ თაუნდროუ დღეს გორის რაიონის სოფელ სკრაში ჩავიდა და პროექტის ფარგლებში დაგეგმილ სამუშაოებს ადგილზე გაეცნო. სოფელ სკრას მიმდებარე ტერიტორიაზე პროექტის განხორციელებისთვის ყველა საჭირო ტექნიკა მობილიზებულია და სათანადოდ გაწვრთნილი სამხედრო ინჟინრები განაღმვითი სამუშაოების დასაწყებად უკვე მზად არიან.
პროექტი 2008 წლის რუსეთ-საქართველოს აგვისტოს ომის შემდეგ, სოფელ სკრაში საცავის აფეთქების შედეგად გაბნეული საბრძოლო მასალების მოძიებას, გამოტანას, დახარისხებას, საფრთხისშემცველი ნაწილების უტილიზაციას,  განადგურებასა და ტერიტორიის დასუფთავებს ისახავს მიზნად.
პროექტის ფარგლებში ამოღებული საბრძოლო მასალის გაუვნებელყოფა შეამცირებს დაზიანებული მასალების აფეთქების რისკს, რომელიც   ადგილობრივ მოსახლეობასა და საერთაშორისო სარკინიგზო მაგისტრალს უქმნის საფრთხეს.  „საქართველო IV”-ის განხორციელების  შედეგად, სოფლის მაცხოვრებლებს მიმდებარე ტერიტორიის უსაფრთხოდ გამოყენების შესაძლებლობა ექნებათ.
„პარტნიორობა მშვიდობისათვის“ პროგრამის ნდობის ფონდის ეგიდით განხორციელებული პროგრამების ფარგლებში, საქართველომ ნატო-ს უზრუნველყოფისა და მომარაგების სააგენტოსთან თანამშრომლობა 2002 წლის ივნისში დაიწყო. სააგენტოსთან მჭიდრო თანამშრომლობის ფარგლებში წარმატებით განხორციელდა პარტინიორობა მშვიდობისათვის ნდობის ფონდის სამი პროექტი - ”საქართველო I”, ”საქართველო II” და “საქართველო III”.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ირანმა გადაწყვიტა, რომ აშშ-სთან ორკვირიანი ცეცხლის შეწყვეტის ფარგლებში ჰორმუზის სრუტეში გადასასვლელად გადასახადი დააწესოს

ტრამპმა ირანთან ომში ორკვირიანი ცეცხლის შეწყვეტა გამოაცხადა. თეირანმა შეერთებულ შტატებზე „დიდი გამარჯვება“ გამოაცხადა.

დიდი ბრიტანეთი ტრამპს აუკრძალავს მისი ბაზების გამოყენებას ირანის ხიდებსა და ელექტროსადგურებზე თავდასხმებისთვის

სახელისუფლებო აქტორებმა პატრიარქის სახელი ოპონენტების დისკრედიტაციისთვის გამოიყენეს