სტუნდეტური თვითმმართველობის წევრები შიმშილობის შეწყვეტას არ აპირებენ, - ამის შესახებ ჟურნალისტებს თვითმმართველობის წევრმა შოთა კეზერაშვილმა განუცხადა.

კეზერაშვილის თქმით, ბრძოლა შეუვალი და უკომპრომისო იქნება.

ამასთან, მისივე განცხადებით, პროტესტი გაგრძელდება მანამ, სანამ რექტორი თანამდებობას არ დატოვებს.

„მოლაპარაკებები გრძელდება და ველოდებით მოლაპარაკებების დასრულებას. იმ შემთხვევაში თუ რექტორი არ გადადგება, არ შევწყვეტთ პროტესტს. მოთხოვნა რჩება უცვლელი და ვეცდებით ყველანაირი გზით მივაღწიოთ იმას, რომ შედეგი დაიდოს. აკადემიური საბჭოს სხდომის ოთახს არ დავტოვებთ და ვეცდებით, მაქსიმალურ ჩარჩოებს არ გავცდეთ“, - განაცხადა კეზერაშვილმა.

მისივე განცხადებით, ინფორმაცია, რომ თითქოს ძალადობრივი გზით მოხდა აკადემიური საბჭოს ოთახში შესვლა, ეს გადაჭარბებულია.

„არანაირი ძალის გამოყენება არ ყოფილა. ეს იყო გადაჭარბებული. თუ რამდენი სტუდენტი შიმშილობს ეს დასაზუსტებელია, რადგან ჩვენი მეგობრები ვერ ახერხებენ შემოსვლას და ისინი შემოგვიერთდებიან. ერთ რამეში ვართ დარწმუნებული მეც და ჩემი მეგობრებიც, რომ ბრძოლა იქნება შეუვალი და უკომპრომისო მანამ, სანამ რექტორი არ გადადგება“, - განაცხადა კეზერაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

„ასობით Patriot-ის რაკეტა და დრონი“. უკრაინა და გერმანია 4 მილიარდი ევროს ოდენობის პაკეტზე შეთანხმდნენ

სახელმწიფო დუმამ პუტინს უფლება მისცა, არმია განალაგოს იმ ქვეყნებში, სადაც რუსებს აპატიმრებენ

Zeekr 8X - ახალ ლუქს კლასის დამუხტვად ჰიბრიდს „ზიკერ ცენტრი თეგეტა“ საქართველოს ბაზარზე ზაფხულში წარადგენს

მეწარმე ქალთა განვითარების პროგრამა ზუგდიდში გაიმართება — პროგრამის მხარდამჭერია საქართველოს ბანკი