"ყველაფერს ვაკეთებთ, რათა გალის რაიონში ქართულ ენაზე სწავლება ავკრძალოთ", - ამის შესახებ  აფხაზეთის საოკუპაციო რეჟიმის გალის ე.წ. ადმინისტრაციის უფროსმა თემურ ნადარაიამ "ექსპრესნიუსს"  განუცხადა.

როგორც ნადარაიამ აღნიშნა, „აფხაზეთი არის სუვერენული სახელმწიფო“, სადაც სწავლება სახელმწიფო ენაზე მოხდება.

„დაუშვებელია ყველას, ვისაც მოუნდება, აფხაზეთში ჩვენ სკოლა გავუხსნათ. გალის რაიონში უმრავლესობა არის ეთნიკური ქართველი, მაგრამ ისინი სუვერენული აფხაზეთის მოქალაქეები არიან.  აფხაზურ სახელმწიფოს აქვს მისი ინტერესები, ჩვენ ვახორციელებთ გალის რაიონის სრულ ინტეგრაციას. განათლების სამინისტრო ამზადებს შესაბამის დოკუმენტაციას და იღებს საჭირო ღონისძიებებს, რათა სექტემბრიდან გალის სკოლებში ქართულად სწავლება შეწყდეს", - აღნიშნა თემურ ნადარაიამ.

შეგახსენებთ, აფხაზეთის საოკუპაციო ძალებში 1 სექტემბრიდან გალის რაიონში ქართულ ენაზე სწავლების აკრძალვა განიხილება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საგამოძიებომ ₾500 ოდენობის ქრთამის აღების ფაქტზე საჯარო მოხელე დააკავა

კახა კალაძე აშშ-ის დელეგაციის ვიზიტზე: ოპტიმისტური მოლოდინები გვაქვს, ჩვენ მზად ვართ ურთიერთობები ახალი ფურცლიდან დაიწყოს

დიუშენით დაავადებული ბავშვების მშობლები ოცნებას, საპატრიარქოს და ომბუდსმენს მიმართავენ

ჯგუფურად ჩადენილი ძალადობის ფაქტზე მარნეულის მერის ძმა დააკავეს