ძილის ქრონიკული უკმარისობა  კარდიოვასკულური დაავადებების მოდიფიცირებადი რისკ-ფაქტორების ჩამონათვალში სულ უფრო მყარად იკავებს ადგილს.

ბრიტანეთში ჩატარდა პროსპექტული კოჰორტული კვლევა, სადაც  აკვირდებოდნენ 40-დან 69 წლამდე 500, 000 ადამიანს, რომელთაც კვლევაში ჩართვისას არ ჰქონდათ კარდიოვასკულური დაავადებები. დაკვირვება გრძელდებოდა საშუალოდ 7 წელი.

კვლევის შედეგად გამოვლინდა, რომ მათ, ვინც აღნიშნავდა, რომ ეძინათ 6 საათზე ნაკლები ღამეში, მიოკარდიუმის ინფარქტის განვითარების რისკი გაეზარდათ 20%-ით.

ძილის მოყვარულებსაც არ აღმოაჩნდათ სახარბიელო მდგომარეობა - მათ, ვისაც ჩვეულებრივ 9 საათზე მეტი ეძინათ,  ინფარქტის განვითარების რისკი შედარებით გაეზარდათ.

მენდელეის რანდომიზებული ანალიზით დადგინდა მიზეზ-შედეგობრივი კავშირი ხანმოკლე ძილსა და მიოკარიუმის ინფარტქის განვითარების რისკის ზრდას შორის. ამიტომ ადამიანებს, რომლებსაც 6 საათზე ნაკლები სძინავთ ღამით, ეძლევათ რეკომენდაცია, 1 საათით გაზარდონ ძილის ხანგრძლივობა, რაც შეუმცირებთ ინფარქტის განვითარების რისკს 20%-ით.

მკვლევარები სავარუდო მიზეზად ანთებითი მარკერების გააქტიურებას ასახელებენ, როგორიცაა C-რეაქტიული ცილა და ციტოკინები. ლაბორატორიულ ექსპერიმენტით ნანახია ძილის მწვავე დარღვევისას ანთებითი მარკერების მატება. ძილის ზომიერი შემცირებაც კი, როგორიცაა 6-დან 8 საათამდე ძილი 8 დღის განმავლობაში, იწვევს ანთებითი ციტოკინების მატებას. 

ძილთან დაკავშირებული პრობლემების არსებობისას უმჯობესია მიმართოთ ექიმს, დროის დაზოგვის მიზნით შეგიძლიათ REDMED-ის დისტანციური სამედიცინო მომსახურებით ისარგებლოთ, რაც გულისხმობს, რომ REDMED-ის აპლიკაციით, ან ვებგვერდით შეარჩევთ ექიმს, მომსახურების მირების დროს და ტიპს (აუდიო კონსულტაცია ან ვიდეო კონსულტაცია). მომსახურებას თქვენივე მოწყობილობით მიიღებთ და კონსულტაციის ღირებულებასაც ონლაინ ბანკით დაფარავთ, ამგვარად თავიდან აირიდებთ ექიმთან კლინიკაში მისვლას, რიგებს და მრავალ სხვა დისკომფორტს.

ავტორი: ექსპრესნიუსი,

სოციალური ქსელები

NASA-ს ასტრონავტები დედამიწაზე 50 წელზე მეტი ხნის შემდეგ მთვარის ზედაპირზე პირველი დაშვების შემდეგ დაბრუნდნენ

უკრაინის მთავარმა მომლაპარაკებელმა „უზარმაზარი პროგრესის“ შესახებ განაცხადა და პუტინთან შეთანხმების მიღწევის შესაძლებლობა არ გამორიცხა

რესპუბლიკელებმა დაბლოკეს ირანთან ომთან დაკავშირებით ტრამპის უფლებამოსილების შეზღუდვის მცდელობა

რუსეთის ხელისუფლებამ სტენფორდის უნივერსიტეტი „არასასურველ ორგანიზაციად“ გამოაცხადა