ნეპალში მომხდარი დამანგრეველი მიწისძვრის შედეგად ბოლო მონაცემებით, 5 500-ზე მეტი ადამიანი დაიღუპა.

სულ მცირე 11 ათასმა კი სხვადასხვა დაზიანებები მიიღო. ზოგიერთი დასახლებული პუნქტისათვის ამ დრომდე ვერ ხერხდება მედიკამენტებისა და საკვები პროდუქტების მიწოდება. ძლიერი წვიმის გამო კი ტრაგედიის ადგილას სამაშველო სამსახურებს გუშინ ღამით სამუშაოების შეწყვეტა მოუწიათ.

გავრცელებული ცნობით, მოსახლეობის ნაწილმა საპროტესტო აქციები დაიწყო. ისინი მთავრობას უყურადღებობაში ადანაშაულებენ და მიაჩნიათ, რომ ხელისუფლება მიწისძვრის შედეგების ლიკვიდაციისათვის საკმარისად არ მუშაობს.

აღსანიშნავია, რომ მიწისძვრიდან 5 დღის შემდეგ მაშველებმა კატმანდუში ნანგრევების ქვეშ 15 წლის ბიჭი ცოცხალი იპოვნეს.

შეგახსენებთ, 7,9 მაგნიტუდის სიმძლავრის მიწისძვრა ნეპალში გასულ შაბათს მოხდა, რასაც ისტორიული ძეგლებისა და საცხოვრებელი სახლების ნგრევა მოჰყვა. მსგავსი სიძლიერის მიწისძვრა ნეპალში ბოლო 80 წლის განმავლობაში არ მომხდარა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

Z-ბლოგერებმა გაავრცელეს ინფორმაცია მოსკოვში გამარჯვების დღის აღლუმის შესაძლო გაუქმების შესახებ ახალი უკრაინული რაკეტების გამო

კობახიძე: მივესალმებით აშშ-სა და ირანს შორის ცეცხლის შეწყვეტის შეთანხმებას

რას ამბობს სტრასბურგის სასამართლო აფგან სადიგოვის საქართველოდან გაძევებაზე

გიგა ავალიანის მკვლელობისთვის 2 არასრულწლოვანს 10.6 წლით, 1-ს 6.9 წლით პატიმრობა მიუსაჯეს