ამერიკული მედიის ინფორმაციით, საპრეზიდენტო არჩევნებში დონალდ ტრამპმა გაიმარჯვა.

მედია საშუალებები სხვადასხვა მონაცემებს ავრცელებენ.

ასე მაგალითად, CNN-ის ინფორმაციით, "რესპუბლიკელ" კანდიდატს კოლეგიის 288 ხმა, მაშინ როდესაც მის ოპონენტ ჰილარი კლინტონს 215 ხმა აქვს.

UsaToday-ის მონაცემებით, ტრამპს 276 ხმა აქვს დაგროვილი, ჰილარი კლინტონს კი 218.

Associated Press-ის მონაცემებით, "რესპუბლიკური პარტიის" კანდიდატმა საპრეზიდენტო არჩევნების წინასწარი შედეგებით ამომრჩეველთა კოლეგიის 276 ხმა დააგროვა, ჰილარი კლინტონმა კი 218.

Electoral-Vote-ის ინფორმაციით, დონალდ ტრამპმა კოლეგიის 305 ხმა დააგროვა, ხოლო ჰილარი კლინტონმა 229.

ამასთან BBC-ის ცნობით, "რესპუბლიკელ" კანდიდატს 265 ხმა აქვს მოპოვებული, მაშინ როდესაც ჰილარი კლინტონმა 218 ხმა დააგროვა.

ცნობისთვის, აშშ-ის საპრეზიდენტო არჩევნების საბოლოო შედეგები ჯერ არ გამოცხადებულა, თუმცა რესპუბლიკელების კანდიდატის მხარდამჭერები უკვე გამარჯვებას ზეიმობენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

Reuters: აშშ ირანში ოპერაციის გამო ევროკავშირის ქვეყნებში იარაღის მიწოდებას აჭიანურებს

იტალიაში ბანკის ძარცვის მცდელობისას 25 ადამიანი მძევლად აიყვანეს

პირველად მასწავლებლებსა და მასწავლებლობის მსურველებს სამი საგნის გამოცდაზე გასვლის შესაძლებლობა ეძლევათ

მუდმივად განახლებადი მობაილბანკი - საუკეთესო ციფრული გამოცდილება თიბისისთან ერთად