სირიის ჩრდილო-აღმოსავლეთ ნაწილში მდებარე ქალაქ ჰასაკაში თვითმკვლელმა ტერორისტმა ქურთების ქორწილში თავი აიფეთქა, რის შედეგადაც სულ მცირე 30-მდე ადამიანი გარდაიცვალა, - ამის შესახებ იფნორმაციას სააგენტო Sana ავრცელებს.

უფლებადამცველების ინფორმაციით, აფეთქების შედეგად 90-მდე ადამიანმა მძიმე სახის დაზიანებები მიიღო. მათი მდგომარეობა კრიტიკულია. 

აფეთქება ქალაქ ჰასაკასა და ქამიშლის დამაკავშირებელ გზაზე მდებარე შენობაში მოხდა.

დაჯგუფება “ისლამურ სახელმწიფოსთან” დაკავშირებულ სააგენტო Amaq-მა გაავრცელა ინფორმაცია, რომ აფეთქება თვითმკვლელმა მებრძოლმა განახორციელა. მომხდარის სხვა დეტალები უცნობია.

ცნობისთვის, ჰასაკას რეგიონის უმეტეს ნაწილს ქურთები აკონტროლებენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

თბილისში 30 წლის ქალის გაუპატიურების ბრალდებით, 38 წლის კაცი დააკავეს

ქვემო ქართლის პოლიციამ ნარკოდანაშაულის ბრალდებით სამი პირი დააკავა

150 დევნილი ოჯახისთვის ბორჯომში თანამედროვე სტანდარტების საცხოვრებელი კორპუსი შენდება

კიევში, ოდესასა და დნეპრის რაიონებში დაბომბვის შედეგად 14 ადამიანი დაიღუპა