რაჯიპ ტაიფ ერდოღანმა თურქეთში მომხდარი სამხედრო გადატრიალების მცდელობასთან კავშირში აშშ-ის შეიარაღებული ძალების ცენტრალური სარდლობის მეთაური, გენერალი ჯოზეფ ვოტელი დაადანაშაულა, - ამის შესახებ ინფორმაციას BBC ავრცელებს. 

როგორც ერდოღანმა აღნიშნა, ვოტელმა მეამბოხეებს მხარდაჭერა გამოუცხადა. მისივე მტკიცებით, ვოტელმა ოფიციალური თურქეთი სამხედრო მაღალჩინოსნების დაკავების გამო გააკრიტიკა. 

„იცოდე შენი ადგილი და იცოდე, რას წარმოადგენ! იმის ნაცვლად, რომ მადლობა გადაუხადო ქვეყანას, რომელმაც დემოკრატიული გზით ჩაახშო აჯანყება, მისი ორგანიზატორების მხარეს იკავებ“, - მიმართა ერდოღანმა ამერიკელ გენერალს.

ამასთან, ამერიკელმა გენერალმა აღნიშნულ ბრალებებს პასუხი უკვე გასცა და აღნიშნა, რომ ამბოხთან მას არანაირი კავშირი არ აქვს. 

"ინფორმაცია, რომ თურქეთში სახელმწიფო გადატრიალების მცდელობასთან მქონდა რაიმე კავშირი, სიმართლეს არ შეესაბამება", - განაცხადა ჯოზეფ ვოტელმა. 

გარდა ამისა, ერდორანმა დასავლეთის ქვეყნები გააკრიტიკა. მისივე თქმით, ქვეყნება თურქეთს შესაბამისი სოლიდარობა არ გამოუცხადეს. 

როგორც ერდოღანმა აღნიშნა, ის ქვეყნები, რომლებსაც მეამბოხე სამხედროების ბედი უფრო აღელვებთ, ვიდრე თურქეთის დემოკრატია, ანკარას მეგობრები ვერ იქნება.  

შეგახსენებთ, რომ თურქეთში სამხედრო გადატრიალების მცდელობა მოხდა, რის შედეგადაც 290-ზე მეტი ადამიანი გარდაიცვალა, 1 400-ზე მეტი კი დაშავდა. გადატრიალების მცდელობასთან კავშირში 18 ათასი ეჭვმიტანილი დააკავეს. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სახელმწიფო დუმამ პუტინს უფლება მისცა, არმია განალაგოს იმ ქვეყნებში, სადაც რუსებს აპატიმრებენ

Zeekr 8X - ახალ ლუქს კლასის დამუხტვად ჰიბრიდს „ზიკერ ცენტრი თეგეტა“ საქართველოს ბაზარზე ზაფხულში წარადგენს

მეწარმე ქალთა განვითარების პროგრამა ზუგდიდში გაიმართება — პროგრამის მხარდამჭერია საქართველოს ბანკი

ფინანსური განათლების სასერტიფიკატო კურსის ფარგლებში დაესწარი ლევან ფავლენიშვილის ლექციას - პროექტის მხარდამჭერი საქართველოს ბანკია