ხმების დათვლა დასრულდა - დიდი ბრიტანეთი ევროკავშირს ტოვებს

2016-06-24 11:18:03, 1460 ნახვა

მსოფლიო

დიდ ბრიტანეთში ჩატარებულ რეფერენდუმზე ამომრჩევლებმა ევროკავშირიდან გასვლას მხარი დაუჭირეს.

მოქალაქეთა 51,9%-მა ევროკავშირიდან გასვლას დაუჭირა მხარი, მოწინააღმდეგე კი, 48,1% იყო.

გასვლის ყველაზე მეტი მხარდამჭერი ინგლისსა და უელსში დაფიქსირდა, ევროკავშირში დარჩენის კი - ჩრდილოეთ ირლანდიასა და შოტლანდიაში.

მოსახლეობის აქტივობამ 71,8 პროცენტი შეადგინა, შესაბამისად, რეფერენდუმში 30 მილიონზე მეტმა ადამიანმა მიიღო მონაწილეობა. აღსანიშნავია, რომ ეს დიდ ბრიტანეთში 1992 წლიდან არჩევნებზე აქტივობის ყველაზე მაღალი მაჩვენებელია.

რეფერენდუმის წინასწარი შედეგების გამოცხადებისთანავე, ბრიტანული ფუნტის კურსი დოლართან მიმართებაში 1985 წლის შემდეგ ყველაზე დაბალ ნიშნულზე დაეცა. ფუნტი დოლართან მიმართებაში დაახლოებით 10%-ით გაუფასურდა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან