საქართველოს თავდაცვის მინისტრი თინათინ ხიდაშელი საქართველოში ნატოს სამეკავშირეო ოფისის ხელმძღვანელს, უილიამ ლაჰიუს შეხვდა.

უწყების ინფორმაციით, შეხვედრის მთავარი თემები ნატო-საქართველოს ურთიერთობები, ნატო-საქართველოს არსებითი პაკეტის (SNGP) პროექტების განხორციელების საკითხები და ნატოს ვარშავის სამიტზე საქართველოს მოლოდინები იყო.

მხარეებმა ყურადღება გაამახვილეს საქართველოში დაგეგმილ „საქართველოს თავდაცვისა და უსაფრთხოების კონფერენციაზე“ (GDSC); ასევე, ამ ღონისძიებისთვის დაგეგმილ კავკასიასა და ცენტრალურ აზიაში ნატოს გენერალური მდივნის სპეციალური წარმომადგენლის, ჯეიმს აპატურაის საქართველოში ვიზიტსა და მასთან განსახილველ საკითხებზე.

შეხვედრას საერთაშორისო ურთიერთობათა და ევროატლანტიკური ინტეგრაციის დეპარტამენტის უფროსი ლუიზა ხითარიშვილი დაესწრო.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

NASA-ს ასტრონავტები დედამიწაზე 50 წელზე მეტი ხნის შემდეგ მთვარის ზედაპირზე პირველი დაშვების შემდეგ დაბრუნდნენ

უკრაინის მთავარმა მომლაპარაკებელმა „უზარმაზარი პროგრესის“ შესახებ განაცხადა და პუტინთან შეთანხმების მიღწევის შესაძლებლობა არ გამორიცხა

რესპუბლიკელებმა დაბლოკეს ირანთან ომთან დაკავშირებით ტრამპის უფლებამოსილების შეზღუდვის მცდელობა

რუსეთის ხელისუფლებამ სტენფორდის უნივერსიტეტი „არასასურველ ორგანიზაციად“ გამოაცხადა