საქართველოს ეკონომიკისა და მდგრადი განვითარების მინისტრმა გიორგი კვირიკაშვილმა პარლამენტის  დარგობრივი ეკონომიკისა და ეკონომიკური პოლიტიკის და საფინანსო-საბიუჯეტო კომიტეტების სხდომაზე სხვა საკითხებთან ერთად ყურადღება ბიზნესგარემოს მასტიმულირებელ საკანონმდებლო ცვლილებებზე გაამახვილა და ბოლო პერიოდში ბიზნესთან მჭიდრო კომუნიკაციის პრობლემაზე  ისაუბრა.

კვირიკაშვილის მტკიცებით, ბიზნესთან კომუნიკაცია აუცილებლად გაუმჯობესდება.

"რაც შეეხება ბიზნესგარემოს მასტიმულირებელ საკანონმდებლო ცვლილებებს, უმთავრესი, რაზეც ჩვენ ვიღებთ აქცენტს, ეს არის ბიზნესთან ძალიან მჭიდრო კომუნიკაცია, ნებისმიერი ახალი ინიციატივების გაჟღერებამდეც კი რაც უნდა ვაღიაროთ, რომ ბოლო პერიოდში გარკვეულად იყო პრობლემატური. არასწორი მესიჯები გავიდა რამოდენიმე შემთხვევაში ბიზნესის მიმართულებით. შემდეგ ბევრი ასეთი ხარვეზი იქნა აღმოფხვრილი და ამ ტიპის კანონმდებლობა შეჩერებული იქნა ზოგიერთი შუაგზაში, შუა განხილვაში, მაგრამ ეს უკვე იყო ხარვეზი და ეს უნდა ვაღიაროთ.კომუნიკაციის გაუმჯობესება ბიზნესთან აუცილებლად მოხდება და ახალი ინიციატოვების გაჟღერებამდე ახალი  რეგულაციების ზემოქმედების  შეფასების მექანიზმები იმუშავებს და ამაში აქტიურად იქნება ჩართული კერძო სექტორი",-განაცხადა გიორგი კვირიკაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გახარიას პარტია ყაველაშვილს მაღაროელების შეწყალებაზე მიმართავს

თბილისში ევროპის საბჭოს ადამიანის უფლებათა დაცვის კომისარი ჩამოვიდა

საქართველოში 15-17 აპრილს შედარებით თბილი და უმეტესად უნალექო ამინდია მოსალოდნელი

საზოგადოებრივი კვების ობიექტებში მომხმარებლისთვის სასმელების პლასტმასის ბოთლით მიწოდების აკრძალვა ძალაში რჩება, რეგულაცია პირველი ივლისიდან ამოქმედდება