"ვერ ვხედავ სომხეთის უკრაინიზაციის საჭიროებას" – ამბობს რუსეთის საგარეო საქმეთა მინისტრი, სერგეი ლავროვი ჟურნალისტის კითხვაზე, მოექცევა თუ არა რუსეთი სომხეთს ისე, როგორც უკრაინას მოექცა. სომეხმა ჟურნალისტმა რუს დიპლომატს კითხვა სომხეთის საგარეო საქმეთა მინისტრთან ერთად ერევანში გამართულ პრესკონფერენციაზე კითხვა.

"სომხეთი ჩვენი მოკავშირეა, ჩვენი მეგობარი. სომხეთი არ კრძალავს რუსულ ენას და რუსულ კულტურას, არ უზღუდავენ უფლებებს რუსებსა და მათ, ვისაც რუსულად საუბარი სურთ" – ამბობს ლავროვი" – თქვა ლავროვმა. 

სომხეთის საგარეო საქმეთა მინისტრმა, არარატ მირზოიანმა აღნიშნა, რომ სომხეთი არ აპირებს რუსეთთან უსაფრთხოების სფეროში თანამშრომლობის მიმართულებით ცვლილებების შეტანას. 

"მარტივად შემიძლია გიპასუხოთ: არა, არ ვაპირებთ. ჩვენი ვალდებულებები და მიზნები ერთმანეთთან მიმართებით ფურცელზე წერია, ხელმოწერილია და რატიფიცირებულია და ეს არ შეიცვლება. ამავდროულად, არსებობს შეშფოთება იმის შესახებ, რომ ახლანდელი მექანიზმები და პროცედურებს შესაბამისი შედეგი არ მოაქვს. ჩვენი ურთიერთობები ბევრი მიმართულებით ვითარდება. სომხეთი ამას არ უარყოფს და არ მგონია, საიდუმლოს გავამხელ, თუ ვიტყვი, რომ ჩვენ არ ვართ კმაყოფილები ОДКБ-ს მუშაობით და სომხეთის ბოლო ნაბიჯები სწორედ ამის პასუხი იყო. თუმცა, მინდა დავადასტურო, რომ ჩვენი ურთიერთობები [რუსეთთან] წინ მიიწევს და აქტიურად ვითარდება" – ამბობს მირზოიანი.

ავტორი: ექსპრესნიუსი,

სოციალური ქსელები

„ასობით Patriot-ის რაკეტა და დრონი“. უკრაინა და გერმანია 4 მილიარდი ევროს ოდენობის პაკეტზე შეთანხმდნენ

სახელმწიფო დუმამ პუტინს უფლება მისცა, არმია განალაგოს იმ ქვეყნებში, სადაც რუსებს აპატიმრებენ

Zeekr 8X - ახალ ლუქს კლასის დამუხტვად ჰიბრიდს „ზიკერ ცენტრი თეგეტა“ საქართველოს ბაზარზე ზაფხულში წარადგენს

მეწარმე ქალთა განვითარების პროგრამა ზუგდიდში გაიმართება — პროგრამის მხარდამჭერია საქართველოს ბანკი