უკრაინის მთავრობამ და სეპარატისტებმა მინსკის შეთანხმების პირობები არ შეასრულეს, - ამის შესახებ ინფორმაციას BBC ავრცელებს.

გამოცემის ცნობით, უკრაინაში საბრძოლო მოქმედებები უწყვეტ რეჟიმში მიმდინარეობს.

მინსკის მოლაპარაკების პირობების მიხედვით, შეთანხმებიდან მინიმუმ ორ დღეში,  მხარეებს ცეცხლი უნდა შეეწყვიტათ და საბრძოლო მოქმედებების პირველი ხაზიდან მძიმე ტექნიკა გაეყვანათ.

კიევის ხელისუფლების წარმომადგენლები აცხადებენ, რომ ისინი არ გაიყვანენ ჯარებს, იქამდე სანამ არ დამთავრდება ბრძოლები ალყა შემორტყმულ დებალცევოში.

თუმცა სეპარატისტები თავის მხრივ განმარტავენ, რომ მოლაპარაკება არ ვრცელდება დებალცევოს ტერიტორიაზე.

BBC-ს ინფორმაციით, სეპარატისტებმა ალყაში მყოფ უკრაინელ მებძოლებს დებალცევოდან გამოსასვლელი უსაფრთხო კოლიდორი შესთავაზეს, თუმცა იმ პირობით, რომ უკრაინელებს იარაღი ადგილზე უნდა დაეტოვებინათ და შეუიარაღებლები გამოსულიყვნენ.

 არსებული ინფორმაციით, საომარ მოქმედებებს მსხვერპლი მოჰყვა და 3 ადამიანი სოფელ ჩორნუხინაში დაიღუპა.

შექმნილი ვითარების ფონზე, წუხელ ნორმანდიის ოთხეულის ლიდერების მორიგი სატელეფონო საუბარიც შედგა, თუმცა დეტალები ჯერჯერობით უცნობია.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ევროკომისია აპირებს, უნგრეთისგან კრემლისთვის ინფორმაციის გაჟონვის შესახებ ახსნა-განმარტება მოითხოვოს

ჩინეთი აშშ-სა და ირანს შორის ცეცხლის შეწყვეტის გარანტორის როლს ასრულებდა

ტრამპმა ევროპას ულტიმატუმი წაუყენა, რომ ჰორმუზის სრუტეში ჯარები გააგზავნონ

წლის საუკეთესო რისკებისა და შესაბამისობის პროექტი - თიბისი CyberSecurity Excellence Awards-ის გამარჯვებულია