პუტინი ჯონ ქერის ყირიმში დამზადებული ღვინით გაუმასპინძლდა

2015-05-13 19:04:25, 985 ნახვა

მსოფლიო

რუსეთის ფედერაციის პრეზიდენტი ვლადიმერ პუტინი აშშ-ს სახელმწიფო მდივანს ჯონ ქერის ყირიმში დამზადებული ღვინით გაუმასპინძლდა. "ევრონიუსის" ცნობით, ქერის და პუტინის შეხვედრა 4 საათს გაგრძელდა, შეხვედრის დეტალები მედიისთვის ცნობილი არაა.

თავის მხრივ პუტინთან შეხვედრამდე აშშ-ს სახელმწიფო მდივანი, რუსეთის პირველ დიპლომატ სერგეი ლავროვს შეხვდა, სადაც აღნიშნა, რომ სანქციები რუსეთის წინააღმდეგ არ შეიცვლება.

"ევრონიუსის" ცნობით, პუტინმა ყირიმული ღვინით, მიახვედრა ამერიკელი დიპლომატი, რომ ყირიმთან მიმართებაში არაფერი შეიცვლება.

ცნობისთვის, პუტინის და ქერის შეხვედრას საქართველოში აშშ-ს ყოფილი ელჩი ჯონ ტეფტიც ესწრებოდა, რომელიც ამჟამად რუსეთში აშშ-ს ელჩია.

აშშ-ს სახელმწიფო მდივანი ჯონ ქერი ქალაქ სოჭს დღეს სტამბულიდან ეწვია.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან