გაეროს გენერალურმა მდივანმა ფრანგ ხალხს მიუსამძიმრა

2015-01-10 11:21:46, 917 ნახვა

მსოფლიო

გაერთიანებული ერების ორგანიზაციის გენერალურმა მდივანმა ბან კი მუნმა დაღუპული ოჯახის წევრებს და ფრანგ ხალხს მიუსამძიმრა.

ბან კი მუნმა საფრანგეთის პრეზიდენტს ფრანსუა ოლანდს ძალისხმევის მოკრებისკენ მოუწოდა.

„გაერთიანებული ერების ორგანიზაციის სახელით, დაღუპული ოჯახის წევრებს და სრულიად ფრანგ ხალხს ვუსამძიმრებ. ეს საშინელი ტერაქტია, რომელიც ტერორისტებმა ჟურნალ Charlie Hebdo-ს რედაქციაზე განახორციელეს. მე ერთხელ ვესაუბრე პრეზიდენტ ოლანდს და მოვუწოდე, რომ ამ რთულ ვითარებაში მთელი ძალისხმევის მოკრებაა საჭირო. ამგვარი დანაშაული ჰუმანიზმის სახელით, სამართლიანობის აღზევებით უნდა დასრულდეს. როდესაც გავიგე, რომ ტერორისტები მოკლეს, ოდნავ შვება ვიგრძენი“, - განაცხადა ბან კი მუნმა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან